ໃນວັນທີ 28 ຕຸລາ 2024 ຜ່ານມາ, ສະຖາບັນພັດທະນາຊັບພະຍາກອນມະນຸດ ລາວ-ຍີ່ປຸ່ນ (ສລຍ) ມະຫາວິທະຍາໄລແຫ່ງຊາດ (ມຊ) ໄດ້ຈັດພິທີສະຫຼູບສົກສຶກສາ 2023-2024 ແລະເປີດສົກຮຽນໃໝ່ 2024-2025 ທີ່ຫ້ອງປະຊຸມຂອງສະຖາບັນ, ໂດຍການເປັນປະທານຂອງທ່ນ ຮສ. ປອ. ເດຊານຸລາດ ແສນດວງເດດ ວ່າການອະທິການບໍດີ ມຊ, ມີຜູ້ອຳນວຍການສະຖາບັນ, ຮອງຜູ້ອຳນວຍການ, ທ່ານຮອງຄະນະບໍດີ, ຫົວໜ້າ-ຮອງຫົວໜ້າພາກວິຊາ, ແຂກຖືກເຊີນ, ພະນັກງານ, ຄູ-ອາຈານ, ນັກສຶກສາ ເຂົ້າຮ່ວມ.
ໃນພິທີ ທ່ານ ປອ. ພອນແກ້ວ ຈັນທະມາລີ ຜູ້ອຳນວຍການ ສລຍ ກໍໄດ້ຂຶ້ນຜ່ານບົດສະຫຼຸບປະຈຳສົກສຶກສາ 2023-2024 ແລະເປີດສົກຮຽນໃໝ່ 2024-2025 ໂດຍທ່ານໃຫ້ຮູ້ວ່າ: ໃນເບື້ອງຕົ້ນ ສລຍ ແມ່ນເປັນສູນຮ່ວມມືລາວ-ຍີ່ປຸ່ນ ແນ່ໃສ່ການພັດທະນາຊັບພະຍາກອນມະນຸດເປັນຫຼັກ, ຍ້ອນມີການຈັດການຮຽນການສອນ ໃນລະດັບປະລິນຍາໂທ, ເຄື່ອນໄຫວບົນພື້ນຖານການຮ່ວມມືລະຫວ່າງລັດຖະບານລາວ ແລະຍີ່ປຸ່ນ, ໃນນັ້ນ, ຕາງໜ້າຝ່າຍລາວ ແມ່ນມະຫາວິທະຍາໄລແຫ່ງຊາດ ແລະ ຝ່າຍຍີ່ປຸ່ນແມ່ນອົງການ JICA ປະຈຳ ສປປ ລາວ, ສລຍ ຍັງມີການໍາເນີນການຮຽນການສອນ ດັບປະລິນຍາໂທເວລາດຽວ ທີ່ມີການສອນ ຫຼື ຊີ້ນໍາຫຼັກສູດຮ່ວມກັນລະຫວ່າງ ລາວ ຍີ່ປຸ່ນ ແລະປະເທດທີ 3 (ອາຈານຕ່າງປະເທດ ແມ່ນບັນລະຍາຍເປັນພາສາອັງກິດ) ດຳເນີນ ການຮ່ວມມືໂດຍກົງກັບຕ່າງປະເທດ (ຍີ່ປຸ່ນ) ເຮັດວຽກແລກປ່ຽນວັດທະນະທຳ ແລະວິຊາການໂດຍກົງກັບສາກົນ ໂດຍສະເພາະແມ່ນຍີ່ປຸ່ນ ແລະປະເທດອື່ນໆ. ສອນພາສາຍີ່ປຸ່ນ ເປັນຫຼັກສູດຝຶກອົບຮົມປົກກະຕິ ໃຫ້ກັບຜູ້ສົນໃຈຮຽນທົ່ວໄປ ແລະສອນພິເສດຕາມຄວາມຕ້ອງ ການໃຫ້ກັບອົງກອນພາຍນອກ ເພື່ອສົ່ງຄົນລາວໄປຝຶກອົບຮົມທັກສະສະເພາະຢູ່ປະເທດຍີ່ປຸ່ນ ພ້ອມທັງດຳເນີນວຽກງານຄົ້ນຄ້ວາພາຍໃຕ້ການຈັດຫາແຫຼ່ງທືນຕ່າງຫາກ, ປັດຈຸບັນ ສລຍ ດຳເນີນການຮຽນການສອນຫຼັກສູດປະລິນຍາໂທ ໃນສາຂາ ການບໍລິຫານທຸລະກິດ ເຊິ່ງໃນສົກສຶກສານີ້ ມີຜູ້ສຳເລັດການສຶກສາທັງໝົດ 21 ຄົນ ຍິງ 10 ຄົນ.
ໃນສົກສຶກສາທີ່ຜ່ານມາ ສລຍ ຍັງດໍາເນີນການຝຶກອົບຮົມຢູ່ຫຼາຍປະເພດ, ໃນນັ້ນມີ 1) ຫຼັກສູດເພື່ອແກ້ໄຂຕາມບັນຫາຕົວຈິງ ເອີ້ນວ່າ Tailor made course, 2) ຫຼັກສູດຝຶກອົບຮົມທົ່ວໄປ ແລະ 3) ຫຼັກສູດຝຶກອົບຮົມຄວາມເປັນມືອາຊີບທາງທຸລະກິດ (KeiEi-Juku) ສໍາລັບນັກທຸລະກິດ ແລະ ເປັນກອງເລຂາໃນການຈັດຕັ້ງໂຄງການລາງວັນ Honda YES Award, ສາມາດປະຕິບັດໄດ້ຕາມແຜນເວລາ ແລະ ທັນກັບທຸກຂັ້ນຕອນການເຄື່ອນໄຫວ ເປັນຕົ້ນ.
ໃນພິທີ ຍັງໄດ້ຮັບຟັງການໂອ້ລົມຂອງ ທ່ານ ຮສ. ປອ. ເດຊານຸລາດ ແສນດວງເດດ ໂດຍກໍໄດ້ດ່າວເນັ້ນໃຫ້ ສະຖາບັນເປັນເຈົ້າການໃນການຈັດຕັ້ງວຽກງານການເຄື່ອນໄຫວຕ່າງໆທີ່ກ່ຽວຂ້ອງ ຍົກສູງການຮ່ວມມືລະຫວ່າງສອງປະເທດ ລາວ-ຍີ່ປຸ່ນ, ສືບຕໍ່ດຳເນີນວຽກງານຕ່າງໆໃຫ້ສຳເລັດຜົນຕາມຄາດໝາຍທີ່ວາງໄວ້.