ໃນຕອນບ່າຍວັນທີ 17 ມັງກອນ 2024 ຜ່ານມາ, ຄະນະບໍລິຫານງານຊາວໜຸ່ມ ປະຊາຊົນ ປະຕິວັດລາວ (ຄຊປປລ) ຮາກຖານ ຄະນະເສດຖະສາດ ແລະບໍລິຫານທຸລະກິດ (ຄສບ) ໄດ້ຈັດກອງປະຊຸມໃຫຍ່ຄັ້ງທີ VI ທີ່ສະໂມສອນຂອງຄະນະຕົນ, ໂດຍການເຂົ້າຮ່ວມເປັນປະທານຂອງສະຫາຍ ສີສຸພັນ ພົມມະນີວົງ ເລຂາຄະນະບໍລິງານຊາວໜຸ່ມ ມຊ, ສະຫາຍ ສຈ. ປອ. ພູເພັດ ກ້ຽວພິລາວົງ ຄະນະພັກ ມຊ, ເລຂາຄະນະພັກ ຮາກຖານ ຄສບ ພ້ອມດ້ວຍເລຂາຊາວໜຸ່ມ ຮາກຖານ ຄສບ, ປະທານສະຫະພັນກຳມະບານ ແລະສະຫະພັນແມ່ຍິງ, ມີບັນດາແຂກຖືກເຊີນຈາກພາກສ່ວນຕ່າງໆອ້ອມຂ້າງ ມຊ ແລະສະມາຊິກຊາວໜຸ່ມທີ່ເປັນພະນັກງານ, ຄູ-ອາຈານ ແລະນັກສຶກສາເຂົ້າຮ່ວມ.
ໃນພິທີສະຫາຍ ນາງ ນິດດາວອນ ວົງສະຫງ່າ ໄດ້ຂຶ້ນຜ່ານບົດລາຍງານການເມືອງກອງປະຊຸມໃຫຍ່ຄັ້ງທີ V ຂອງ ຄຊປປລ ຮາກຖານ ຄສບ ເຊິ່ງສະຫາຍໄດ້ຍົກໃຫ້ເຫັນຫຼາຍວຽກງານທີ່ພົ້ນເດັ່ນ ຕະຫຼອດໄລຍະທີ່ຜ່ານມາຄື: ຮາກຖານຊາວໜຸ່ມ ຄສບ ມີຄະນະບໍລິຫານງານທັງໝົດ 7 ສະຫາຍ, ຍິງ 2 ສະຫາຍ; ລວມມີ 7 ໜ່ວຍ ແລະ 120 ຈຸຊາວໜຸ່ມທີ່ຢູ່ພາຍໃຕ້ການຊີ້ນໍາ-ນຳພາ ມີຈຳນວນສະມາຊິກຊາວໜຸ່ມທັງໝົດ 3,289 ສະຫາຍ, ຍິງ 2,308 ສະຫາຍ, ເປັນພະນັກງານຄູ-ອາຈານ 47 ສະຫາຍ, ຍິງ 26 ສະຫາຍ; ດ້ານວຽກງານສຶກສາອົບຮົມແນວຄິດການເມືອງ ໄດ້ເອົາໃຈໃສ່ກໍ່ສ້າງ ແລະຕິດຕາມມະຫາຊົນກ້າວໜ້າເຂົ້າເປັນສະມາຊິກຊາວໜຸ່ມ, ເຂົ້າຮ່ວມກິດຈະກຳສຳຄັນຂອງຊາດ ຂອງຊາວໜຸ່ມທີ່ໄດ້ຈັດຂຶ້ນເປັນຂະບວນ, ຈັດຕັ້ງການອອກແຮງງານເພື່ອຕ້ອນຮັບວັນສຳຄັນຕ່າງໆ ເປັນຕົ້ນ, ໃນໄລຍະສະພາບການລະບາດຂອງ Covid-19 ສະມາຊິກຊາວໜຸ່ມຊາວໜຸ່ມ ທີ່ເປັນຄູອາຈານໄດ້ສຸມໃສ່ການສອນແບບອອນລາຍໂດຍການຊອກຮູ້ວິທີການນໍາໃຊ້ສື່ການສອນທີ່ເປັນ Applications ຕ່າງໆເພື່ອໃຊ້ໃນສື່ການຮຽນ-ການສອນດ້ວຍຄວາມເອົາຈິງໃຈໃສ່,ສ່ວນສະມາຊິກຊາວໜຸ່ມທີ່ເປັນນັກສຶກສາ ກໍໄດ້ເອົາໃຈໃສ່ເຂົ້າຮ່ວມການຮຽນອອນລາຍຕາມຊົ່ວໂມງຮຽນປົກກະຕິຂອງແຕ່ລະຄົນ ແລະ ສຳເລັດການສອບເສັງທ້າຍພາກຮຽນ ພ້ອມນັ້ນ ດ້ານຂະບວນການຕ່າງຊາວໜຸ່ມຮາກຖານ ຄສບ ໄດ້ຖືເອົາວຽກງານການສ້າງຂະບວນການເປັນວຽກງານສຳຄັນ; ເຊິ່ງຜ່ານມາໄດ້ສ້າງຕັ້ງກອງອາສາສະໝັກພາຍໃຕ້ໂຄງການແບ່ງປັນປື້ມໃຫ້ນ້ອງອ່ານຕັ້ງແຕ່ປີ 2010 ມາຈົນເຖິງປະຈຸບັນ. ເຊິ່ງໃນໄລຍະ 5 ປີໃນສະໄໝຂອງຄະນະບໍລິຫານງານຊຸດນີ້ ໂຄງການແບ່ງປັນປື້ມໃຫ້ນ້ອງອ່ານ ໄດ້ເດີທາງໄປຊ່ວຍເຫຼືອເຂດຫ່າງໄກສອກຫຼີກ 3 ຄັ້ງຄື: 1. ຄັ້ງທີ 9 ໂຄງການສາມອົງການຈັດຕັ້ງມະຫາຊົນ ຄສບ ແບ່ງປັນປື້ມ 7 ໄດ້ລະດົມອຸປະກອນການຮຽນການສຶກສາ ແລະ ເຄື່ອງກິລາ ໄປຮ່ວມຊ່ວຍເຫຼືອທີ່ ໂຮງຮຽນ ມສ ບຸນຖິ່ນ, ເມືອງ ຄຳ, ແຂວງ ຊຽງຂວາງ ໃນວັນທີ 15-17/02/2019 ລວມມູນຄ່າ 38.000.000 ກີບ. ຄັ້ງທີ 10 ໂຄງການສາມອົງການຈັດຕັ້ງມະຫາຊົນ ຄສບ ແບ່ງປັນປື້ມ 8 ໄດ້ລະດົມອຸປະກອນການຮຽນ, ການສຶກສາ ແລະ ເຄື່ອງກີລາ ໄປຮ່ວມຊ່ວຍເຫຼືອໂຮງຮຽນ ມສ ເຍື້ອງ, ເມືອງກວນແຂວງຫົວພັນ ໃນວັນທີ 6-10/01/2021 ລວມເງິນທັງໝົດ 60.350.000 ກີບ, 3. ຄັ້ງທີ 11 ໂຄງການສາມອົງການຈັດຕັ້ງມະຫາຊົນ ຄສບ ແບ່ງປັນປື້ມ 9 ໄດ້ລະດົມອຸປະກອນການຮຽນ, ການສຶກສາ ແລະ ເຄື່ອງກີລາ ໄປຮ່ວມຊ່ວຍເຫຼືອ ໂຮງຮຽນປະຖົມ ບໍເຍຍ (ບ້ານເຍຍ), ໂຮງຮຽນປະຖົມຫ້ວຍດ່ານ, ໂຮງຮຽນປະຖົມບວກເສີ, ໂຮງຮຽນມັດທະຍົມຕອນຕົ້ນ ຫ້ວຍລົມ ເມືອງໜອງແຮດ ແລະ ໂຮງຮຽນປະຖົມ ບ້ານລາວໂພນທອງ ເມືອງແປກ ແຂວງຊຽງຂວາງ ລວມມູນຄ່າທັງໝົດທີ່ນໍາໄປມອບໃຫ້ໂຮງຮຽໜທັງ 5 ແຫ່ງແມ່ນ: 120,401,000 ກີບ ລວມເປັນມູນຄ່າທັງໝົດ: 218,751,000 ກີບ ເປັນຕົ້ນ. ສຳລັບທິດທາງແຜນການໃນຕໍ່ໜ້າ ແມ່ນສືບຕໍ່ສ້າງສະມາຊິກຊາວໜຸ່ມໃຫ້ເປັນຜູ້ທີ່ມີຫຼັກໝັ້ນການເມືອງໜັກແໜັ້ນ, ມີແບບແຜນການດຳລົງຊີວິດທີ່ປອດໃສຂາວສະອາດ, ມີຄວາມຮັບຜິດຊອບຕໍ່ໜ້າທີ່, ມີສະຕິຕໍ່ການຈັດຕັ້ງ ແລະ ເຄົາລົບລະບຽບກົດໝາຍ, ມະຕິຄຳສັ່ງດ ແຈ້ງການຂອງຂັ້ນເທິງຢ່າງເຂັ້ມງວດ, ຂົ້າຮ່ວມຊີວິດການເມືອງ, ເສຍເງິນສະບຳລຸງຢ່າງເປັນປົກກະຕິ ແລະ ທັນເວລາ, ເຊີດຊູຖານະບົດບາດລັກສະນະນຳໜ້າຂອງອົງການຈັດຕັ້ງຊາວໜຸ່ມຮາກຖານ ຄສບ ໃຫ້ດີຂຶ້ນເລື້ອຍໆ.
ຈາກນັ້ນໃນພິທີ ຍັງໄດ້ມີການປ່ອນບັດຄັດເລືອກຄະນະບໍລິຫານງານໜຸ່ມ ຄສບ ຊຸດໃໝ່, ໂດຍຜ່ານການຄັດເລືອກຜົນປະກົດວ່າ ທີ່ປະຊຸມໄດ້ເລືອກເອົາ ສະຫາຍ ນາງ ນີວັນ ສາຍນາວົງ ເປັນເລຂາຊາວໜຸ່ມ ຮາກຖານ ຄສບ, ເລືອກສະຫາຍ ທະນູໄຊ ວໍລະວົງ ເປັນຮອງເລຂາ, ສະຫາຍ ວິລະພັນ ຈັນທະລັງມາ ເປັນຮອງເລຂາ ທັງເປັນປະທານກວດກາ, ສະຫາຍ ແຫວນເພັດ ໄຊຍະວົງ ເປັນຄະນະ, ສະຫາຍ ສຸກວັນຄອນ ເລືອງມີໄຊ ເປັນຄະນະ, ສະຫາຍ ນາງ ວາດສະໜາ ສົມພົນ ເປັນຄະນະ ແລະສະຫາຍ ນາງ ວອນທະລີ ວົງສາວັນທອງເປັນຄະນະ.
ໃນພິທີ ທີ່ປະຊຸມກໍໄດ້ຮັບການໂອລົມຈາກ ສະຫາຍ ສີສຸພັນ ພົມມະນີວົງ ເລຂາຄະນະບໍລິງານຊາວໜຸ່ມ ມຊ ໂດຍສະຫາຍໄດ້ກ່າວຍ້ອງຍໍຊົມເຊີຍຕໍ່ກັບຜົນງານຂອງຄະນະຊາວໜຸ່ມ ຄສບ ຕະຫຼອດໄລຍະຜ່ານມາ ແລະສືບຕໍ່ຮັກສາມູນເຊື້ອຕໍ່ໄປ ແລະສືບຕໍ່ພັດທະນາວຽກງານຕ່າງຕາມທິດທາງແຜນການໃຫ້ໄດ້ຮັບຜົນສຳເລັດ.