ໃນວັນທີ 23 ມັງກອນ 2024 ຜ່ານມາ, ມະຫາວິທະຍາໄລແຫ່ງຊາດ (ມຊ) ແລະ ມະຫາວິທະຍາໄລກຸນຊານ ສາທາລະນະລັດເກົາຫຼີ (ສ.ເກົາຫຼີ) ໄດ້ລົງນາມບົດບັນທຶກການຮ່ວມມືທາງດ້ານວິຊາການ ທີ່ຫ້ອງປະຊຸມຕຶກສຳນັກງານອະທິການບໍດີ ມຊ, ຝ່າຍ ມຊ ລົງນາມ ໂດຍທ່ານ ຮສ. ປອ. ອຸດົມ ພອນຄຳເພັງ ອະທິການບໍດີ ມຊ ແລະ ຝ່າຍມະຫາວິທະຍາໄລກຸນຊານ ສ.ເກົາຫຼີ ລົງນາມໂດຍທ່ານ Dr. Jang-ho LEE ອະທິການບໍດີ ມະຫາວິທະຍາໄລກຸນຊານ ສ.ເກົາຫຼີ ໂດຍມີພະນັກງານ, ຄູ-ອາຈານ ທັງສອງຝ່າຍເຂົ້າຮ່ວມ.
ຈຸດປະສົງຂອງການຮ່ວມມືໃນຄັ້ງນີ້, ແມ່ນເພື່ອ ແລກປ່ຽນວິຊາການ, ພະນັກງານ, ບົດຄົ້ນຄວ້າ ວິທະຍາສາດ ແລະການຮຽນ-ການສອນ ທີ່ກ່ຽວກັບພາສາເກົາຫຼີ ກັບພາກວິຊາການພາສາເກົາຫຼີ ຄະນະອັກສອນສາດ ມຊ, ຮ່ວມກັນເຮັັັດບົດຄົ້ນຄວ້າວິທະຍາສາດ ໃນສາຂາທີ່ກ່ຽວຂ້ອງ ແລະແລກປ່ຽນຂໍ້ມູນຂ່າວສານ, ຮ່ວມກັນຈັດກິດຈະກຳເພື່ອແລກປ່ຽນພາສາ ແລະ ວັດທະນະທຳລະຫວ່າງສອງມະຫາວິທະຍາໄລ ເປັນຕົ້ນ.