ມຊ ຈັດການສອບເສັງຄັດເລືອກນັກສຶກສາ ສົກສຶກສາ 2022-2023
ເພື່ອປະຕິບັດຕາມທິດຊີ້ນໍາຂອງກະຊວງສຶກສາທິການ ແລະກີລາ ກໍຄືແຜນພັດທະນາຄຸນນະພາບການສຶກສາຂອງ ມະຫາວິທະຍາໄລແຫ່ງຊາດຊາດ(ມຊ), ໃນວັນທີ 13 ສິງຫາ 2022 ນີ້, ມຊ ໄດ້ຈັດການສອບເສັງຄັດເລືອກເອົານັກສຶກສາເຂົ້າຮຽນສົກສຶກສາ 2022-2023, ເຊິ່ງເຂດການສອບເສັງໃຫຍ່ແມ່ນຈັດຂຶ້ນທີ່ ວິທະຍາເຂດດົງໂດກ, ໃຫ້ກຽດເຂົ້າຮ່ວມຕິດຕາມໂດຍທ່ານ ຮສ.ປອ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະກີລາ, ມີທ່ານ ຮສ.ປອ ອຸດົມ ພອນຄໍາເພັງ ອະທິການບໍດີ ມຊ, ປະທານຄະນະກໍາມະການ ການສອບເສັງ, ມີທ່ານ ຮສ.ປອ. ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ, ກະຊວງສຶກສາທິການ ແລະກີລາ, ບັນດາທ່ານ ຮອງອະທິການບໍດີ ມຊ, ບັນດາຄະນະກໍາມະການຝ່າຍຕ່າງໆ ແລະພະນັກງານ, ຄູ-ອາຈານທີ່ກ່ຽວຂ້ອງເຂົ້າຮ່ວມ.