ວັນທີ 29 ມີນາ 2023 ທີ່ສະໂມສອນ ກີລາໃນຮົ່ມ ໂຮງຮຽນ ມັດທະຍົມສົມບູນ(ມສ) ວຽງຈັນ ໄດ້ມີພິທີສະຫຼຸບຜົນການສອບເສັງນັກຮຽນເກັ່ງຊັ້ນປະຖົມສຶກສາ, ມັດທະຍົມສຶກສາຕອນຕົ້ນ ແລະຕອນປາຍ ລະດັບນະຄອນຫຼວງວຽງຈັນ ປະຈຳສົກຮຽນ 2022-2023 ແລະ ພິທີມອບໃບຢັ້ງຢືນໃຫ້ 7 ໂຮງຮຽນທີ່ໄດ້ໂຮງຮຽນຕົວແບບຄຸນະພາບ. ພາຍໃຕ້ການເປັນປະທານຂອງ ທ່ານ ສົມພອນ ສອນດາລາ ຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ ພ້ອມດ້ວຍຄະນະອຳນວຍການ, ພະນັກງານຄູອາຈານ, ຜູ້ປົກຄອງຕະຫຼອດຮອດບັນດານ້ອງນັກຮຽນເກັ່ງຈາກຫຼາຍໂຮງຮຽນທົ່ວນະຄອນຫຼວງວຽງຈັນເຂົ້າຮ່ວມ.

           ໂຮງຮຽນພອນສະຫວັນ ແລະ ຊົນເຜົ່າ ກຽມມະຫາວິທະຍາໄລ ເປັນໂຮງຮຽນໜຶ່ງໃນນະຄອນຫຼວງວຽງຈັນທີ່ໄດ້ສົ່ງນັກຮຽນເຂົ້າຮ່ວມແຂ່ງຂັນສອບເສັງນັກຮຽນເກັ່ງລະດັບນະຄອນຫຼວງ ນໍາໂດຍ ທ່ານ ຮສ.ປອ ຄຳພຸດ ພົມມະສອນ ຜູ້ອຳນວຍການໂຮງຮຽນ, ທ່ານ ປທ. ຄຳຫ່ອງ ສີບຸນເຮືອງ ຮອງຜູ້ອຳນວຍການ ພ້ອມດ້ວຍຄູອາຈານທີ່ໄດ້ສິດສອນບຳລຸງນັກຮຽນເກັ່ງ ໄດ້ນໍາພານັກຮຽນເກັ່ງ ທີ່ໄດ້ເສັງຜ່ານຂັ້ນເມືອງແລ້ວ ທັງໝົດ 4 ວິຊາຄື: ວິຊາພາສາລາວ-ວັນນະຄະດີ, ວິຊາຄະນິດສາດ, ວິຊາຟີຊິກສາດ ແລະ ວິຊາເຄມີສາດ ຈຳນວນ 30 ຄົນ ເປັນຍິງ 18 ຄົນ; ຊັ້ນ ມ.4 ຈໍານວນ 13 ຄົນ ຍິງ 11 ຄົນ; ຊັ້ນ ມ.7 ຈໍານວນ 17 ຄົນ ຍິງ 7ຄົນ. ພາຍໃນງານແມ່ນດໍາເນີນໄປດ້ວຍບັນຍາກາດຟົດຟື້ນມ່ວນຊື່ນ, ມີການສະແດງສິລະປະ ແລະ ວິດີໂອການສຳພາດບັນດານ້ອງນັກຮຽນເກັ່ງທີ່ຜ່ານຂັ້ນນະຄອນຫຼວງວຽງຈັນ ເຂົ້າໄປສອບເສັງລະດັບຊາດໃຫ້ແຂກພາຍໃນງານຮັບຊົມ.

          ຜົນຂອງການເຂົ້າຮ່ວມສອບເສັງນັກຮຽນເກັ່ງລະດັບ ນະຄອນຫຼວງວຽງຈັນ ໃນສົກສຶກສາ 202-2023, ໂຮງຮຽນພອນສະຫວັນ ແລະ ຊົນເຜົ່າ ກຽມມະຫາວິທະຍາໄລ ມະຫາວິທະຍາໄລແຫ່ງຊາດ ສາມາດຍາດໄດ້ຫຼາຍລາງວັນຄື:

1. ໃບຍ້ອງຍໍຂັ້ນນະຄອນຫຼວງໃຫ້ໂຮງຮຽນທີ່ສ້າງນັກຮຽນເກັ່ງໄດ້ອັນດັບທີ 1, 2, 3 ໂດຍແມ່ນທ່ານ ຮສ.ປອ.ຄຳພຸດ ພົມມະສອນ ຜູ້ອຳນວຍການໂຮງຮຽນເປັນຜູ້ຮັບ
2. ໃບຍ້ອງຍໍຂັ້ນນະຄອນຫຼວງໃຫ້ຄູອາຈານບຳລຸງນັກຮຽນເກັ່ງໄດ້ອັນດັບທີ 1, 2, 3 ຈໍານວນ 09 ທ່ານ,
3. ໃບຊົມເຊີຍໃຫ້ນັກຮຽນເກັ່ງທີ່ສາມາດສອບເສັງໄດ້ຄະແນນດີ (ລາງວັນຊົມເຊີຍ) ຊັ້ນມັດທະຍົມສຶກສາຕອນຕົ້ນ(ມ.4) ມີ 06 ຄົນ ຄື: ນ. ວັນນິຕາ ມະນີວົງ ວິຊາພາສາລາວ-ວັນນະຄະດີ, ນ. ພິມມະສອນ ລໍວັນຫງຽນ ວິຊາພາສາລາວ-ວັນນະຄະດີ, ນ. ອາລິຍາ ປັນຍາວິຈິດ ວິຊາພາສາລາວ-ວັນນະຄະດີ, ທ. ອັນນາພົນ ແສງສະຫວັນ ວິຊາຄະນິດສາດ, ນ. ການທິດາ ພິລາວົງ ວິຊາຟີຊິກສາດ ແລະ ນ. ພອນທິບ ສຸກສະກຸນ ວິຊາເຄມີສາດ ແລະ ຊັ້ນມັດທະຍົມສຶກສາຕອນປາຍ(ມ.7) ມີ 07 ຄົນ ຄື: ນ. ວິໄລ ມະນີແສງ ວິຊາພາສາລາວ-ວັນນະຄະດີ, ທ. ສີ ເພຼນ້ອຍ ວິຊາຄະນິດສາດ, ທ. ເກັ່ງ ລີ ວິຊາຄະນິດສາດ, ທ. ຢ່າປາວ ເຊ່ຍຢີ້ງຢ່າງ ວິຊາຄະນິດສາດ, ທ. ກາ ຊົ່ງ ວິຊາຟີຊິກສາດ, ທ. ເປັງສື ຈະສົ໋ວເກົ້າ ວິຊາຟີຊິກສາດ ແລະນ. ສິລິພະພອນ ພານິພົງ ວິຊາເຄມີສາດ
4. ໃບຍ້ອງຍໍຂັ້ນພະແນກສຶກສາທິການໃຫ້ນັກຮຽນເກັ່ງອັນດັບທີ 3 ຊັ້ນມັດທະຍົມສຶກສາຕອນຕົ້ນ(ມ.4) 02 ຄົນ ຄື: ທ. ເພັດປະເສີດ ກ້ຽວພິລາວົງ ວິຊາຄະນິດສາດ ແລະ ນ. ອາລຸນວິໄລ ແສງດາລາ ວິຊາເຄມີສາດ;  ຊັ້ນມັດທະຍົມສຶກສາຕອນປາຍ(ມ.7) ມີ 02 ຄົນ ຄື: ທ. ຄິມຫັນ ສີປະເສີດ ວິຊາພາສາລາວ-ວັນນະຄະດີ ແລະ ນ. ດວງໃຈ ແກ້ວມະນີວົງ ວິຊາເຄມີສາດ
5. ໃບຍ້ອງຍໍຂັ້ນພະແນກສຶກສາທິການໃຫ້ນັກຮຽນເກັ່ງອັນດັບທີ 2 ຊັ້ນມັດທະຍົມສຶກສາຕອນຕົ້ນ(ມ.4) ຄື: ນ. ມີມີ່ ບົວລະພາ ວິຊາເຄມີສາດ ແລະ ຊັ້ນມັດທະຍົມສຶກສາຕອນປາຍ(ມ.7) ອີກ 01 ຄົນ ຄື: ນ. ພັນນິພາ ທຳມະທອງ ວິຊາເຄມີສາດ
6. ໃບຍ້ອງຍໍຂັ້ນນະຄອນຫຼວງໃຫ້ນັກຮຽນເກັ່ງອັນດັບທີ 1 ລະດັບນະຄອນຫຼວງວຽງຈັນ ຊັ້ນມັດທະຍົມສຶກສາຕອນຕົ້ນ (ມ.4) ຄື ນ. ມະນີລິນ ໄຊທອງປານ ວິຊາເຄມີສາດ ແລະ ຊັ້ນມັດທະຍົມສຶກສາຕອນປາຍ (ມ.7) ອີກ 03 ຄົນຄື: ທ. ວິລະພົນ ພັນທຸລະອາສາ ພາສາລາວ-ວັນນະຄະດີ, ທ. ໂອບີ ລໍ່ ຄະນິດສາດ ແລະ ນ. ປາຢີ່ ເຮີ່ ເຄມີສາດ.

           ສັງຮວມລວມແລ້ວ, ໂຮງຮຽນພອນສະຫວັນ ແລະ ຊົນເຜົ່າກຽມມະຫາວິທະຍາໄລ ສົກຮຽນ 2022-2023 ລະດັບນະຄອນຫຼວງວຽງຈັນ ສາມາດຍາດໄດ້ລຳດັບທີທັງໝົດ 23 ຄົນ ຍິງ 13ຄົນ; ຊັ້ນ ມ.4 10ຄົນ ຍິງ 8ຄົນ; ຊັ້ນ ມ.7 ມີ 13 ຄົນ ຍິງ 5ຄົນ ແລະ ສາມາດຍາດໄດ້ທີ 1ທັງໝົດ 4ຄົນ ຍິງ 2ຄົນ; ຊັ້ນ ມ.4 ນັກຮຽນຍິງ 1ຄົນ ຄື: ນ. ມະນີລິນ ໄຊທອງປານ ວິຊາເຄມີສາດ; ຊັ້ນ ມ.7 ມີ ຄົນ 03ຄົນ ຍິງ 1ຄົນຄື: ທ. ວິລະພົນ ພັນທຸລະອາສາ ພາສາລາວ-ວັນນະຄະດີ, ທ. ໂອບີ ລໍ່ ຄະນິດສາດ ແລະ ນ. ປາຢີ່ ເຮີ່ ເຄມີສາດ ເປັນຕົວແທນຂອງນະຄອນຫຼວງວຽງຈັນເຂົ້າຮ່ວມການສອບເສັງນັກຮຽນເກັ່ງລະດັບຊາດ ທີ່ມະຫາວິທະຍາໄລແຫ່ງຊາດ ໃນລະຫວ່າງວັນທີ 4-7 ເມສາ 2023 ນີ້.

ພາບບັນຍາກາດ

In the upcoming April, National University of Laos (NUOL) will host an international event called “INOWASIA Workshop on Water Resources Management and Challenges in South East Asia” on 04^th April 2023 at the conference room of Confucius Institutes.

The workshop is organized as a part of the 3^rd Biannual Steering Committee Meeting of INOWASIA Erasmus+ project which will be held in the Lao PDR this year.  Many related stakeholders of national and international levels and Higher Education Institutes in Southeast Asia are invited to participate to the event. The workshop has been designed to provide an overview about the water integrated managements covering (1) Water resource management, (2) Domestic wastewater management, (3) Water supply, (4) Soil health and biodiversity, Water quality, Natural Based Solution (NBS) for wastewater management.

The collaborative framework of Erasmus+ project INOWASIA contributes to improve not only the content of teaching, but also the transformation of traditional teaching method to modern competence based teaching, e.g. the integration of Problem Based Learning (PBL), and facilities to improve the quality of teaching-learning and R&D services, e.g. the Water-Oriented Living Labs (WOLLs). More importantly, the university-industry collaboration is one of core elements in the Erasmus+ CBHE projects to ensure the sustainability of the education programs after the end of projects through the Academic and Professional Committee (APC) from INOWASIA.

 ກອງປະຊຸມໄດ້ຈັດຂຶ້ນໃນລະຫວ່າງວັນທີ 27-28 ມີນາ 2023 ທີ່ຫ້ອງປະຊຸມ ໂຮງແຮມລາວພຣາຊ່າ, ໂດຍການເປັນປະທານຂອງທ່ານ ສຈ. ປອ. ຮຸ່ງເພັດ ຈັນທະວົງ ຮອງອະທິການບໍດີ ມະຫາວິທະຍາໄລແຫ່ງຊາດ(ມຊ), ທ່ານ Niall Leonard ທີ່ປຶກສາຂອງຄະນະສະຫະພາບເອີຣົບປະຈຳ ສປປ ລາວ, ທ່ານ ປອ. ຫຼ້າວັນ ວົງຄຳສານ ຮອງຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະກີລາ, ທ່ານ ຮສ. ປອ. ນາງ ສິລິນທອນ ສັກລໍຄຳ ຫົວໜ້າກົມພົວພັນຕ່າງປະເທດ ກະຊວງສຶກສາທິການ ແລະກີລາ, ພ້ອມດ້ວຍຜູ້ຕາງໜ້າຈາກສະມາຊິກໂຄງການ OPEN ຈາກປະເທດຟີລິບປິນ, ຕົວແທນຄະນະນຳຈາກ 5 ມະຫາວິທະຍາໄລ ຂອງລາວ, ພະນັກງານ, ຄູ-ອາຈານ ຂອງໂຄງການເຂົ້າຮ່ວມ.

       ທ່ານ ສຈ. ປອ. ຮຸ່ງເພັດ ຈັນທະວົງ ໄດ້ກ່າວໃນໂອກາດເປີດພິທີວ່າ: ໃນໄລຍະຜ່ານມາໂຄງການ “OPEN” ມີບົດບາດສຳຄັນໃນການສົ່ງເສີມຄວາມເປັນສາກົນ ແລະເພີ່ມຂີດຄວາມສາມາດດ້ານການສຶກສາຂອງມະຫາວິທະຍາໄລ ໃນ ສປປ ລາວ, ໂດຍຜ່ານການຮ່ວມມືກັບມະຫາວິທະຍາໄລຕ່າງໆໃນສະຫະພາບເອີຣົບ ເພື່ອຍົກສູງຄວາມຮູ້-ຄວາມສາມາດຂອງພະນັກງານ, ຄູ-ອາຈານ ໂດຍຜ່ານການຮ່ວມມືທີ່ຫຼາກຫຼາຍ, ການແລກປ່ຽນແນວຄວາມຄິດເພື່ອເປີດມຸມມອງໃໝ່ໃນວຽກງານສຶກສາໃຫ້ເລິກເຊິ່ງຍິ່ງຂຶ້ນພາຍໃນເຄື່ອຂ່າຍຂອງໂຄງການ. ໂຄງການ “OPEN” ເປັນການຮ່ວມມືລະຫວ່າງ ມະຫາວິທະຍາໄລໃນສະຫະພາບເອີຣົບ (EU) ເຊິ່ງໄດ້ແກ່: ມະຫາວິທະຍາໄລ ALICANTA (ປະເທດແອັດສະປາຍ), ມະຫາວິທະຍາໄລ BOLOGNA (ປະເທດອີຕາລີ) ແລະ ກະຊວງສຶກສາທິການ ແລະກີລາ ຂອງ ສປປ ລາວ ແລະ 5 ມະຫາວິທະຍາໄລໃນ ສປປ ລາວ ຄື: ມະຫາວິທະຍາໄລແຫ່ງຊາດ, ມະຫາວິທະຍາໄລສຸພານຸວົງ, ມະຫາວິທະຍາໄລຈຳປາສັກ, ມະຫາວິທະຍາໄລສະຫວັນນະເຂດ ແລະ ມະຫາວິທະຍາໄລວິທະຍາສາດສຸຂະພາບ ໃນການດຳເນີນກິດຈະກຳເພື່ອສົ່ງເສີມການສຶກສາຊັ້ນສູງຂອງລາວ ສູ່ຍຸດທະສາດການຫັນເປັນສາກົນໂດຍຜ່ານການເຝິກອົບຮົມ, ການແລກປ່ຽນຄວາມຮູ້ເປັນຕົ້ນ.

      ຜ່ານການປະຕິບັດໂຄງການ “OPEN” ໃນ ສປປ ລາວ ໃນໄລຍະ 3 ປີ (2020-2023) ສາມາດບັນລຸຕາມເປົ້າໝາຍທີ່ວາງໄວຄື: 1. ເພີ່ມທະວີການຮ່ວມມືລະຫວ່າງສະຖາບັນ ແລະແລກປ່ຽນການປະຕິບັດທີ່ດີ ຜ່ານການວິເຄາະຄວາມຕ້ອງການສ້າງສະຖາບັນ, 2.ສ້າງຄວາມເຂັ້ມແຂງການຫັນເປັນສາກົນຂອງລະບົບການສຶກສາຊັ້ນສູງ ໂດຍສົ່ງເສີມການປະຕິຮູບການຄຸ້ມຄອງສະຖາບັນການສຶກສາຊັ້ນສູງ. ການສ້າງແຜນຍຸດທະສາດການຫັນເປັນສາກົນ ສຳລັບສະຖາບັນການສຶກສາຊັ້ນສູງໃນ ລາວ ແລະ ການສ້າງແຜນງານດ້ານນະໂຍບາຍເພື່ອ ນຳໃຊ້ເຂົ້າໃນການຈັດຕັ້ງປະຕິບັດຍຸດທະສາດການຫັນເປັນສາກົນ, 3.ການຍົກລະດັບຄວາມສາມາດ ຂອງພະນັກງານຄຸ້ມຄອງ ແລະພະນັກງານບໍລິຫານ ໃນການແກ້ໄຂ ບັນຫາການຫັນເປັນສາກົນຜ່ານການເຝິກອົບຮົບໃນການປະຕິບັດຢ່າງຄົບຊຸດ, 4.ການສ້າງເຄືອຂ່າຍແຫ່ງຊາດ ແລະ ສົ່ງເສີມການເຂົ້າຮ່ວມເຄືອຂ່າຍຂອງໂຄງການ ເປີດ (OPEN) ໃນກອງປະຊຸມການສຶກສາຊັ້ນສູງລະດັບສາກົນ, 5. ເພີ່ມຄວາມຮັບຮູ້ ແລະຄວາມເຂົ້າໃຈໃຫ້ແກ່ບຸກຄົນທົ່ວໄປກ່ຽວກັບການຫັນເປັນສາກົນພາຍໃນສະຖາບັນການສຶກສາຊັ້ນສູງ.

      ຈາກຜົນຂອງການດຳເນີນໂຄງການ “OPEN” ໃນໄລຍະຜ່ານມາ ຈຶ່ງເຮັດໃຫ້ເກີດມີການລົງນາມຂໍ້ຕົກລົງການຮ່ວມມືຂອງ 6 ພາກສ່ວນຄື: ກະຊວງສຶກສາທິການ ແລະ ກີລາ ລົງນາມໂດຍທ່ານ ປອ. ຫຼ້າວັນ ວົງຄຳສານ ຮອງຫົວໜ້າກົມການສຶກສາຊັ້ນສູງ, ມະຫາວິທະຍາໄລແຫ່ງຊາດລົງນາມໂດຍການ ສຈ. ປອ. ຮຸ່ງເພັດ ຈັນທະວົງ ຮອງອະທິການບໍດີ, ມະຫາວິທະຍາຈຳປາສັກລົງນາມໂດຍທ່ານ ປອ. ບຸນມີ ພອນສະຫວັນ ອະທິການບໍດີ, ມະຫາວິທະຍາໄລສຸພານຸວົງລົງນາມໂດຍທ່ານ ຮສ. ປອ. ວິໄຊ ຈັນສະຫວ່າງ ອະທິການບໍດີ, ມະຫາວິທະຍາໄລສະຫວັນນະເຂດລົງນາມໂດຍທ່ານ ປອ. ສຸລິນຮອງ ໄຊໂກສີ ວ່າການອະທິການບໍດີ, ມະຫາວິທະຍາໄລວິທະຍາສາດສຸຂະພາບ ລົງນາມໂດຍທ່ານ ຮສ. ດຣ. ໄມຟອງ ໄມຊາຍ ຮອງອະທິການບໍດີ ເພື່ອດຳເນີນໂຄງການ LUAI ການຫັນເປັນສາກົນຂອງເຄື່ອຂ່າຍມະຫາວິທະຍາໄລ ສປປ ລາວ ພາຍໃຕ້ການສະໜັບບສະໜູນຈາກສະຫະພາບເອີຣົບ ເພື່ອສືບຕໍ່ການຍົກສູງການສຶກສາຊັ້ນສູງໃນ ສປປ ລາວ ໃຫ້ກາຍເປັນສະພາບແວດລ້ອມທີ່ມີລັກສະນະສາກົນຢ່າງແທ້ຈິງ ແລະເປັນຜູ້ທີ່ມີບົດບາດສຳຄັນໃນລະດັບສາກົນ ພາລະກິດຂອງເຄື່ອຂ່າຍແມ່ນການສົ່ງເສີມການຫັນເປັນສາກົນໂດຍຜ່ານການຮ່ວມມືໃນການສ້າງຂີດຄວາມສາມາດ, ການຄົ້ນຄວ້າວິໄຈ, ການພັດທະນາຫຼັກສູດ ແລະການແລກປ່ຽນ ຄວາມຮູ້, ປະສົບການ ກັບບັນດາສະຖາບັນໃນພາກພື້ນ ແລະ ສາກົນ.

ພາບບັນຍາກາດ

ສະຖານທູດຈີນ ປະຈໍາ ສປປ ລາວ ໄດ້ຈັດກອງປະຊຸມແລກປ່ຽນຖອດຖອນບົດຮຽນ - ການສອນ ພາສາຈີນຂອງຊ່ຽວຊານ ແລະ ອາສາສະໝັກທີ່ສອນພາສາຈີນ ທົ່ວປະເທດ ຄັ້ງທີ 15 ຂຶ້ນ ໃນວັນທີ 24 ມີນາ 2023 ຜ່ານມາ ທີ່ ສະຖາບັນຂົງຈື ມະຫາວິທະຍາໄລແຫ່ງຊາດ ( ມຊ ), ໃນພິທີມີ ທ່ານ ຫຼົວໝິງ (LUO MING) ຜູ້ອຳນວຍການສະຖາບັນຂົງຈື ຝ່າຍຈີນ, ທ່ານ WEI YANXIONG ຜູ້ຊ່ວຍສະຖານທູດຈີນ ປະຈຳ ສປປ ລາວ, ທ່ານ ນາງ ມະນີສຸກ ຈຽມສີສຸລາດ ຮອງຜູ້ອຳນວຍການສະຖາບັນຂົງຈື ຝ່າຍລາວ, ມີຜູ້ຕາງໜ້າຊ່ຽວຊານຈີນ, ອາສາສະໝັກ ສອນພາສາຈີນ ຈາກບັນດາໂຮງຮຽນທີ່ສອນພາສາຈີນຕ່າງໆ ເຂົ້າຮ່ວມ.

       ທ່ານ DU CHANGQING ຫົວໜ້າຫ້ອງການເມືອງສະຖານທູດຈີນ ປະຈໍາ ສປປ ລາວ ໄດ້ກ່າວວ່າ: ກອງປະຊຸມໃນຄັ້ງນີ້ ຈັດຂຶ້ນເພຶ່ອໃຫ້ຄູ - ອາຈານລາວ ແລະ ຄູ - ອາຈານຈີນ ທີ່ສອນພາສາຈີນ ຢູ່ໃນປະເທດລາວ ມີການພັດທະນາດ້ານຄວາມຮູ້ກ່ຽວກັບພາສາຈີນ, ມີວິທີໃນການສິດສອນນ້ອງນັກຮຽນໃຫ້ເຂົ້າໃຈງ່າຍ, ມີການແລກປ່ຽນວັດທະນະທໍາລາວ - ຈີນ, ຮູ້ນໍາໃຊ້ວິທີການສິດສອນພາສາຈີນ, ວິທີການແຕ່ງບົດສອນ, ການອອກແບບດ້ວຍ Microsoft power point, ການຂຽນປື້ມຕໍາລາຮຽນຕ່າງໆໃຫ້ເທດເໝາະກັບນັກສຶກສາລາວ ທີ່ຢາກຮຽນພາສາຈີນ ແລະເປັນການໃຫ້ໂອກາດແກ່ ອາຈານ ຝ່າຍລາວ - ຈີນ ໄດ້ສົນທະນາ-ແລກປ່ຽນປະສົບການໆສອນພາສາຈີນ ໃຫ້ທຸກທ່ານຮັບຮູ້ ແລະ ນໍາເອົາໄປໝູນໃຊ້ເຂົ້າໃນວິທີການສິດສອນຕົວຈິງຂອງຕົນ; ເຊື່ອວ່າໃນຕໍ່ໜ້າ, ອາຈານທີ່ສອນພາສາຈີນ ໝົດທຸກຄົນຈະໄດ້ສືບຕໍ່ເອົາໃຈໃສ່ໃນການສົ່ງເສີມນັກຮຽນ ຜູ້ທີ່ຮຽນພາສາຈີນ, ຜູ້ທີ່ມີພອນສະຫວັນໄດ້ຊອກຮູ້ຮໍ່າຮຽນ ໃຫ້ກາຍເປັນນາຍແປພາສາໃນລະດັບສູງ ເພື່ອມາຮັບໃຊ້ໃນໜ້າທີ່ວິຊາສະເພາະຂອງຕົນກໍຄືຮັບໃຊ້ປະເທດຊາດ, ທັງເປັນຂົວຕໍ່ທາງດ້ານການສຶກສາພາສາຈີນ ແລະວັດທະນະທໍາລາວ-ຈີນ

       ທ່ານ DU CHANGQING ເວົ້າຕື່ມວ່າ: ປະເທດລາວ ແລະປະເທດຈີນ ເປັນປະເທດທີ່ມີວັດທະນະທໍາອັນດີງາມທີ່ຄ້າຍຄືກັນຂໍໃຫ້ອາຈານທີ່ສອນພາສາຈີນ ທຸກຄົນຈົ່ງເອົາໃຈ ແລະຖືໂອກາດນີ້ເປັນການພັດທະນາການສິດສອນໃຫ້ນັກຮຽນຂອງຕົນເອງກາຍເປັນເວທີພາສາຈີນທີ່ໄດ້ມາດຕະຖານ.

       ທ່ານ ຫຼົວໝິງ ໄດ້ກ່າວວ່າ: ກອງປະຊຸມໃນຄັ້ງນີ້, ສາມາດເຫັນໄດ້ວ່າ ການຮຽນ - ການສອນພາສາຈີນໃຫ້ນັກຮຽນ, ນັກສຶກສາມີຄວາມໝາຍ-ຄວາມສໍາຄັນຫຼາຍ, ຫວັງວ່າຈະເຮັດໃຫ້ອາຈານສອນທຸກຄົນນໍາເອົາໄປພັດທະນາການສອນຂອງຕົນເອງໃຫ້ກາຍເປັນ ອາຈານຜູ້ທີ່ສອນດີ, ສອນເກັ່ງ, ສົ່ງເສີມການສຶກສາ ແລະວັດທະນາທໍາລາວ-ຈີນ. ເພື່ອເຮັດໃຫ້ການຮ່ວມມືດ້ານການສຶກສາ ແລະ ວັດທະນະທໍາ ຂອງສອງປະເທດລາວ-ຈີນ ໃຫ້ນັບມື້ນັບຂະຫຍາຍຕົວຂຶ້ນໄປເລື້ອຍໆ.

ພາບບັນຍາກາດ