ໃນຕອນບ່າຍ ວັນທີ 24 ພຶດສະພາ 2024, ທ່ານ Rohit Babbar, ເລຂາເອກ ແລະ ຫົວໜ້າຫ້ອງການ, ສະຖານເອກອັກຄະລັດຖະທູດອິນເດຍ ປະຈໍາ ສປປ ລາວ ໄດ້ມາບັນຍາຍ ກ່ຽວກັບ ທຶນການສຶກສາຂອງລັດຖະບານອິນເດຍ ປະຈໍາສົກປີ 2024/25 ສໍາລັບນັກສຶກສາລາວທີ່ສົນໃຈໄປຮຽນທີ່ ປະເທດອິນເດຍ, ຊຶ່ງມີຕັ້ງແຕ່ລະດັບ ປະລິນຍາຕີ ຈົນເຖິງ ປະລິນຍາເອກ, ໂດຍປະກອບມີຫຼາກຫຼາຍສາຂາວິຊາ ເຊັ່ນ: ເສດຖະສາດ, ກົດໝາຍ, ພົວພັນຕ່າງປະເທດ, ພາສາສາດ ເປັນຕົ້ນ. ງານດັ່ງກ່າວໄດ້ຖືກຈັດຂຶ້ນທີ່ ຫ້ອງປະຊຸມ ສະໂມສອນຊັ້ນ II, ມະຫາວິທະຍາໄລແຫ່ງຊາດ; ໂດຍການເປັນປະທານຂອງ ທ່ານ ບຸນຊ່ວງ ປັນຍາທອງ, ຮອງຫົວໜ້າ ຫ້ອງການພົວພັນຕ່າງປະເທດ, ມະຫາວິທະຍາໄລແຫ່ງຊາດ ແລະ ມີຕາງໜ້າ ພະນັກງານ-ຄູອາຈານ ແລະ ນັກສຶກສາ ມະຫາວິທະຍາໄລແຫ່ງຊາດ ເຂົ້າຮ່ວມຮັບຟັງທັງໝົດ 90 ທ່ານ.

ພາບບັນຍາກາດ

ໃນຕອນບ່າຍ ວັນທີ 23 ພຶດສະພາ 2024 ນີ້, ມະຫາວິທະຍາໄລແຫ່ງຊາດ(ມຊ)  ແລະ ມະຫາວິທະຍາໄລຣາຊະພັດ ນະຄອນລາດຊະສີມາ ຣາຊະອານາຈັກໄທ ລົງນາມບົດບັນທຶກການຮ່ວມມືທາງດ້ານວິຊາການ ເຊິ່ງ ຝ່າຍ ມຊ ລົງນາມໂດຍ ທ່ານ ສຈ.ປອ. ພູເພັດ ກ້ຽວພິລາວົງ ຮອງອະທິການບໍດີ;  ຝ່າຍ ມະຫາວິທະຍາໄລ ຣາຊະພັດ ນະຄອນລາດສະສີມາ ລົງນາມໂດຍ ທ່ານ ຮສ. ດຣ. ລັດຖະກອນ ຄິດການ  ຮອງອະທິການບໍດີ, ມີທ່ານ  ຮອງຄະນະບໍດີ ຄອສ, ຮອງຫົວຫນ້າຫ້ອງການພົວພັນຕ່າງປະເທດ, ຫ້ອງການຄົ້ນຄວ້າວິທະຍາສາດ ແລະບໍລິການວິຊາການເຂົ້າຮ່ວມ ທີ່ຫ້ອງປະຊຸມຕຶກສຳນັກງານອະທິການບໍດີ ມຊ.
          ໃນໂອກາດນີ້, ທ່ານ ສຈ. ປອ. ພູເພັດ ກ້ຽວພິລາວົງ ໄດ້ນຳສະເຫມີສະພາບໂດຍຫຍໍ້ຂອງ ມຊ ໃຫ້ແຂກທີ່ມາຢ້ຽມຢາມໄດ້ຮັບຟັງ ເຊິ່ງທ່ານໄດ້ຍົກໃຫ້ເຫັນ ດ້ານວິໄສທັດທີ່ກວ້າງ ຂອງ ມຊ, ການສ້າງ ແລະ ພັດທະນາ ມຊ ໃຫ້ກາຍເປັນສູນກາງການສຶກາສາຊັ້ນສູງຂອງປະເທດ. ພ້ອມນັ້ນ ມຊ ຍັງມີຫຼັກສູດການຮຽນ-ການສອນທີ່ຫຼາກຫຼາຍ ແຕ່ລະດັບປະລິນຍາຕີ ຮອດ ປະລິນຍາເອກ ແລະຍັງມີຫຼັກສູດນາໆຊາດຢູ່ໃນ ຄະນະເສດຖະສາດ ແລະບໍລິຫານທຸລະກິດ. ສຳລັບປະເທດໄທ ມຊ ມີການລົງນາມການຮ່ວມມືດ້ານວິຊາການ ກັບບັນດາສະຖາບັນ ແລະມະຫາວິທະຍາໄລຕ່າງໆ ທັງໝົດ 43 ສະບັບ; ເຊິ່ງການຮ່ວມມືແມ່ນເນັ້ນໃສ່ ດ້ານການແລກປ່ຽນຄູ-ອາຈານ, ນັກສຶກສາ, ດ້ານການຄົ້ນຄວ້າ ແລະການຈັດກອງປະຊຸມສຳມະນາວິຊາການຮ່ວມກັນ ຫຼື ເວທີແລກປ່ຽນຄວາມຄິດເຫັນເພື່ອນໍາສະເໜີຜົນງານການຄົ້ນຄວ້າສູ່ສັງຄົມ.

ພາບບັນຍາກາດ

ໃນຕອນເຊົ້າ ວັນທີ 23 ພຶດສະພາ 2024 ຜ່ານມານີ້, ຄະນະສຶກສາສາດ (ຄສສ) ມະຫາວິທະຍາໄລແຫ່ງຊາດ (ມຊ) ຮ່ວມກັບ ອົງການສະຫະປະຊາຊາດ ກອງທຶນສໍາລັບປະຊາກອນ (UNFPA) ໄດ້ຈັດພິທີເປີດຫ້ອງບໍລິການໃຫ້ຄໍາປຶກສາ ຂຶ້ນທີ່ ຕຶກ G ຄສສ ໂດຍການເປັນປະທານຮ່ວມຂອງທ່ານ ອຈ. ທອງສຸກ ແກ້ວມະນີ ຮອງອະທິການບໍດີ ມຊ, ທ່ານ Dr. Bakhtiyor Kadyrov ຕາງໜ້າຈາກອົງການ UNFPA, ເຂົ້າຮ່ວມມີ ທ່ານ ປອ. ນາງ ກົງສີ ຈຸນລະມະນີ ຮັກສາການ ຄສສ, ມີທ່ານຕາງໜ້າຈາກຫ້ອງການນານາຊາດເພື່ອການສຶກສາຜູ້ໃຫຍ່ ຂອງເຢຍລະມັນ (DVVI), ບັນດາກົມ, ສູນ, ສະຖາບັນ, ໂຮງຮຽນ, ໂຮງໝໍ, ສະມາຄົມ, ບັນດາຫ້ອງການ, ຄະນະວິຊາ ທົ່ວ ມຊ ແລະ ຕົວແທນຈາກອົງການຈັດຕັ້ງຕ່າງໆ ພ້ອມດ້ວຍພະງານ, ຄູ-ອາຈານ, ນັກຮຽນ-ນັກສຶກສາຈາກ ຄສສ ເຂົ້າຮ່ວມ.  

ການໃຫ້ຄໍາປຶກສາ ຖືເປັນວຽກງານໜຶ່ງທີ່ສໍາຄັນ ແລະມີຄວາມຈໍາເປັນຫຼາຍເພື່ອຈະຊ່ວຍເຫຼືອ ແລະສົ່ງເສີມໃຫ້ໄວໜຸ່ມນັກຮຽນ,​ ນັກສຶກສາ, ພະນັກງານເຂົ້າໃຈຕົນເອງ ແລະພັດທະນາສັກກະຍະພາບຂອງຕົນເອງຢ່າງເຕັມທີ່ ຕະຫຼອດໄລຍະທີ່ກໍາລັງສຶກສາຮໍ່າຮຽນ ຫຼື ກໍາລັງເຮັດວຽກພາຍໃນ ມຊ ກໍຄື ບຸກຄົນອື່ນໆ ທີ່ມີຄວາມຕ້ອງການຮັບຄໍາປຶກສາ. ເມື່ອເຫັນໄດ້ເຖິິງຄວາມໝາຍຄວາມສໍາຄັນດັ່ງກ່າວ, ພາກວິິິຊາຄູຈິດຕະວິທະຍາການສຶກສາ ຄສສ ຈຶ່ງໄດ້ມີການປຶກສາຫາລື ແລະປະຊຸມຫຼາຍຄັ້ງ ເພື່ອຈະພັດທະນາເນື້ອໃນ ກໍຄື ປຶ້ມຄູ່ມືການໃຫ້ຄໍາປຶກສາດ້ານຈິດຕະສັງຄົມຂຶ້ນ ໂດຍພາຍໃຕ້ການສະໜັບສະໜູນຂອງອົງການ UNFPA. ກິດຈະກໍາທີ່ພົ້ນເດັ່ນທີ່ຂັບເຄື່ອນວຽກງານໃຫ້ຄໍາປຶກສາລວມມີ: ການຮ່ວມມືທາງດ້ານວິຊາການໃນການຈັດຕັ້ງປະຕິບັດແຜນການຮ່ວມມືກັບອົງການ UNFPA ສົກປີ 2017-2021,  ແຜນງານທີ 7 ເພີ່ມການເຂົ້າເຖິງສິດທິພື້ນຖານກ່ຽວກັບສຸຂະພາບຈະເລີນພັນ, ບົດບາດຍິງຊາຍ ແລະເພດສຶກສາລະຫວ່າງ 2022-2026, ກອງປະຊຸມໄດ້ຮັບຟັງການນໍາສະເໜີ ແລະແລກປ່ຽນຂໍ້ມູນກັບສູນໃຫ້ຄໍາປຶກສາ ສູນສຸຂະພາບໄວໜຸ່ມ, ສູນໃຫ້ຄໍາປຶກສາປົກປ້ອງແມ່ຍິງ ແລະເດັກນ້ອຍ, ສູນກາງຊາວໜຸ່ມ; ກອງປະຊຸມໄດ້ປະກອບເນື້ອໃນຫຼັກສູດການໃຫ້ຄໍາປຶກສາດ້ານຈິດຕະ-ສັງຄົມ; ກອງປະຊຸມຮຽບຮຽງເນື້ອໃນຫຼັກສູດ ແລະທົບທວນເນື້ອໃນຫຼັກສູດການໃຫ້ຄໍາປຶກສາດ້ານຈິດຕະ-ສັງຄົມ. ນອກຈາກນັ້ນ, ຍັງມີການຈັດເຝິກອົບຮົມກ່ຽວກັບການໃຫ້ຄໍາປຶກສາໃຫ້ກັບຄູ-ອາຈານ ແລະນັກສຶກສາ ອາສາສະໝັກທີ່ຈະເຮັດວຽກຢູ່ຫ້ອງໃຫ້ຄໍາປຶກສາ.

ການສ້າງຫ້ອງບໍລິການໃຫ້ຄໍາປຶກສາແມ່ນໄດ້ຮັບທຶນສະໜັບສະໜູນຈາກອົງການ UNFPA ເຊິ່ງໄດ້ປັບປຸງເອົາຫ້ອງ G5 ອາຄານ G ຄະນະສຶກສາສາດ ມຊ. ເປັນຫ້ອງບໍລິການໃຫ້ຄໍາປຶກສາ ແລະໄດ້ດໍາເນີນການປັບປຸງມາແຕ່ເດືອນ ມັງກອນປີ 2024 ແລະສໍາເລັດໃນເດືອນພຶດສະພາ 2024 ນີ້; ຈຸດປະສົງເພື່ອໃຫ້ການຊ່ວຍເຫຼືອ ແລະສະເໜີແນະແນວທາງໃນການຫຼຸດຜ່ອນຄວາມວິຕົກກັງວົນຂອງໄວໜຸ່ມ, ສ້າງຄວາມເຂົ້າໃຈ ແລະຮັບຮູ້ໃນຕົນເອງ, ສາມາດເຂົ້າໃຈບັນຫາ ແລະ ຫາທາງອອກໄດ້ຢ່າງເໝາະສົມ, ເພື່ອຊຸກຍູ້ ແລະສະໜັບ-ສະໜູນ ໃຫ້ໄວໜຸ່ມນັກຮຽນ-ນັກສຶກສາໄດ້ພັດທະນາ ຄຸນນະພາບຊີວິດຂອງຕົນເອງໄດ້ຢ່າງມີປະສິດທິພາບ ແລະເພື່ອສົ່ງເສີມສຸຂະພາບຈິດໄວໜຸ່ມນັກຮຽນ-ນັກສຶກສາໃນທົ່ວ ມຊ ກໍຄື ໃນຊຸມຊົນ.

ການບໍລິການໃຫ້ຄໍາປຶກສາມີ 2 ແບບຄື ໃຫ້ຄໍາປຶກສາແບບເຊິ່ງໜ້າ ສາມາດເຂົ້າມາປຶກສາໄດ້ທີ່ຫ້ອງໃຫ້ຄໍາປຶກສາທີ່ຫ້ອງ G5 ອາຄານ G ຄະນະສຶກສາສາດ ມຊ ແລະ ສາມາດໃຫ້ຄໍາປຶກສາແບບອອນລາຍໄດ້ທາງ ເບີ ວອດແອັບ 020 9289 1470, 020 9288 4130.

ພາບບັນຍາກາດ

The Faculty of Education, National Univeristy of Laos has participated in the CALOHEA project since 2021. The project’s main purpose is to enhance higher education quality which is comparable to other higher education institutions in Southeast Asia. It also aims to foster internalization of education and student mobility. The project is useful for the revision and enhancement of the teacher education programs in terms curriculum framework, learning outcomes, measuring student workload, and authentic assessment. It is also useful for student teachers in the English program in terms of awareness and significance of designing and incorporating authentic tasks in language teaching and learning. Furthermore, the teachers also benefited from mechanisms through participating in the National Meeting and dissemination tasks. In the picture students are learning about how to incorporate Authentic tasks in language teaching at the Department of Foreign Languages, Faculty of Education, National University of Laos. On behalf of the teacher education team, we would kindly invite students, teachers, and stakeholders to access NUOL’s website and read more about the project main tasks: framework, measuring student workload and using authentic assessments vie NUOL websites to explore details of main activities.