ໃນຕອນເຊົ້າວັນທີ 18 ຕຸລາ 2023 ຜ່ານມານີ້, ສະຖາບັນພັດທະນາຊັບພະຍາກອນມະນຸດລາວ-ຍີ່ປຸ່ນ(ສລຍ) ມະຫາວິທະຍາໄລແຫ່ງຊາດ(ມຊ) ໂດຍພາຍໃຕ້ການສະໜັບສະໜູນຂອງອົງການຮ່ວມມືສາກົນຂອງຍີ່ປຸ່ນໄຈກາ(JLCA) ໄດ້ຈັດງານແຂ່ງຂັນແຜນທຸລະກິດ LJI SUSU Scale-Up (ຊຸດທີ 2) ຮ່ວມກັບ ອົງການສົ່ງເສີມການຄ້າຍີ່ປຸ່ນປະຈໍານະຄອນຫຼວງວຽງຈັນ (JETRO) ແລະກົມສົ່ງເສີມວິສາຫະກິດຂະໜາດນ້ອຍ ແລະກາງ (ກສວ) ພາຍໃຕ້ການຊີ້ນໍາຂອງກະຊວງອຸດສາຫະກຳ ແລະການຄ້າ (MOIC) ຂຶ້ນທີ່ ຫ້ອງປະຊຸມ ໂຮງແຮມຄຣາວພຣາຊ່າ ນະຄອນຫຼວງວຽງຈັນ. ໂດຍການເຂົ້າຮ່ວມຂອງທ່ານ ຮສ. ປອ. ອຸດົມ ພອນຄໍາເພັງ ອະທິການບໍດີ ມຊ, ທ່ານ ໂຄບະຢະຊິ ເຄັນອິຈິ ເອກອັກຄະຣາຊະທູດຍີ່ປຸ່ນ ປະຈໍາ ສປປ ລາວ, ທ່ານ ນາງ ລັດທະນາ ດວງບຸບຜາ ຮອງຫົວໜ້າກົມສົ່ງເສີມວິສາຫະກິດຂະໜາດນ້ອຍ ແລະກາງ(ກສວ), ທ່ານ ອິໂຕະ ໂນຣິຢູກິ ຮອງຫົວໜ້າຫ້ອງການໄຈກາປະຈໍາລາວ(JICA) ແລະທ່ານ ປອ. ພອນແກ້ວ ຈັນທະມາລີ ຜູ້ອໍານວຍການສະຖາບັນ ພັດທະນາຊັບພະຍາກອນມະນຸດ ລາວ-ຍີ່ປຸ່ນ, ມີບັນດາຄະນະກໍາມະການ, ມີຕາງໜ້າບໍລິສັດທັງລາວ ແລະຍີ່ປຸ່ນ ພ້ອມດ້ວຍນັກລົງທຶນຈາກພາກສ່ວນຕ່າງໆເຂົ້າຮ່ວມແບບເຊິ່ງໜ້າ ແລະຜ່ານທາງອອນລາຍ.

            ສລຍ ໄດ້ເປີດໂຄງການ LJI SUSU (Scale-Up) ພາຍໃຕ້ໂຄງການພັດທະນາທຸລະກິດໃນ ເດືອນ ຕຸລາ 2021 ເພື່ອສົ່ງເສີມການຂະຫຍາຍຕົວຂອງເສດຖະກິດ-ສັງຄົມລາວ. ໂຄງການດັ່ງກ່າວນີ້ ມີຈຸດປະສົງເພື່ອສ້າງທ່າແຮງໃນການແຂ່ງຂັນ ແລະການສ້າງເຄື່ອຂ່າຍທາງທຸລະກິດໃຫ້ບັນດາຫົວໜ່ວຍທຸລະກິດ ເຊິ່ງຕິດພັນກັບບັນດາຫົວໜ່ວຍທຸລະກິດທັງພາຍໃນ ແລະຕ່າງປະເທດ ເປັນຕົ້ນແມ່ນປະເທດຍີ່ປຸ່ນ.

           ການແຂ່ງຂັນແຜນທຸລະກິດ ມີຈໍານວນນັກທຸລະກິດສະໝັກເຂົ້າຮ່ວມແຂ່ງຂັນທັງໝົດ 100 ກວ່າບໍລິສັດ ໃນນັ້ນ ມີ 13 ບໍລິສັດໄດ້ຮັບຄັດເລືອກໃຫ້ຜ່ານເຂົ້າຮ່ວມການແຂ່ງຂັນແຜນທຸລະກິດໃນຮອບທໍາອິດຂອງໂຄງການ LJI SUSU  ແລະຜ່ານການສະເໜີຜົນງານ ແລະແຜນທຸລະກິດ ເຊິ່ງບໍລິສັດທີ່ໄດ້ຮັບລາງວັນທີ 1 ມີ 2 ບໍລິສັດ ໄດ້ແກ່ບໍລິສັດ SYSTORY CO.LTD ແລະບໍລິສັດ COFARM CO. LTD ໄດ້ຮັບເງິນລາງວັນພາກສ່ວນລະ 20.000 ໂດລາສະຫະລັດ, ລາງວັນທີ 2 ໄດ້ແກ່ ບໍລິສັດ VENDEEX CO. LTD ໄດ້ຮັບລາງວັນ 10.000 ໂດລາສະຫະລັດ ແລະລາງວັນທີ 3 ມີ 2 ສອງ ບໍລິສັດ ໄດ້ແກ່ ບໍລິສັດຄື YORDYAM IN DIVIDUAL ENTE RPRLSE ແລະບໍລິສັດ SAYA ARTS AND CRAFTS ໄດ້ຮັບລາງວັນພາກສ່ວນລະ 5.000 ໂດລາສະຫະລັດ. ເພື່ອໃຫ້ແຕ່ລະພາກສ່ວນທີ່ໄດ້ຮັບລາງວັນນໍາເອົາເງິນທີ່ໄດ້ໄປພັດທະນາແຜນທຸລະກິດຂອງຕົນເອງໃນອະນາຄົດໃຫ້ດີຂຶ້ນ.

          ສລຍ ໄດ້ຂະຫຍາຍບໍລິການໃນການເຝິກອົບຮົມທາງທຸລະກິດໃຫ້ບໍລິສັດເອກະຊົນ ແລະອົງການລັດພ້ອມທັງສົ່ງເສີມໂອກາດໃນການແລກປ່ຽນທາງວິຊາການລະຫວ່າງມະຫາໄລນັບຕັ້ງແຕ່ ສລຍ ໄດ້ຮັບການສ້າງຕັ້ງຂຶ້ນໃນປີ 2001 ພາຍໃຕ້ການຊີ້ນໍາຂອງ ມຊ. ນອກຈາກນີ້, ສລຍ ຍັງຈະສືບຕໍ່ພັດທະນາການບໍລິການໃຫ້ຄຽງຄູ່ກັບຄວາມຕ້ອງການຂອງສັງຄົມ ພ້ອມກັບປະກອບສ່ວນສ້າງສາພັດທະນາເສດຖະກິດ-ສັງຄົມໃນປະເທດລາວ. ຫຼັກສູດການບໍລິການຂອງ ສລຍ ປະກອບມີ ຫຼັກສູດປະລິນຍາໂທບໍລິຫານທຸລະກິດ (MBA), ຫຼັກສູດບໍລິຫານລະດັບສູງ Keiei-Juku (ການບໍລິຫານໃນແບບຂອງຍີ່ປຸ່ນ), ຫຼັກສູດພາສາຍີ່ປຸ່ນ ແລະງານສໍາລັບເຄື່ອຂ່າຍທາງທຸລະກິດ ແລະຫຼັກສູດທີ່ສ້າງຂຶ້ນຈາກຄວາມຮຽກຮ້ອງຕ້ອງການຂອງຜູ້ບໍລິການຈົນກາຍມາເປັນຫຼັກສູດທີ່ສາມາດນໍາມາປະຕິບັດໄດ້ຈິງ.

ພາບບັນຍາກາດ

ໃນຕອນບ່າຍ ວັນທີ 19 ຕຸລາ 2023 ນີ້, ມະຫາວິທະຍາໄລແຫ່ງຊາດ(ມຊ)ໄດ້ຈັດພິທີສະຫຼຸບຊຸດຮຽນປະຈຳສົກສຶກສາ 2020-2023 ແລະເປີດສົກຮຽນໃໝ່ 2023-2024 ຂຶ້ນທີ່ຫ້ອງປະຊຸມສະໂມ

ສອນຊັ້ນ 2 ມຊ,ໂດຍການໃຫ້ກຽດເປັນປະທານຂອງທ່ານນາງ ຂັນທະລີ ສີຣີພົງພັນ ຮອງລັດຖະມົນ

ຕີ ກະຊວງສຶກສາທິການ ແລະກີລາ, ມີທ່ານ ຮສ. ປອ. ອຸດົມ ພອນຄໍາເພັງ ອະທິການບໍດີ ມຊ, ມີບັນດາຮອງອະທິການບໍດີ, ຄະນະບໍດີ, ຜູ້ອໍານວຍການສະຖາບັນ, ຫົວໜ້າຫ້ອງການ, ຜູ້ອໍນວຍການ

ຫໍສະໝຸດກງ, ໂຮງໝໍ, ໂຮງຮຽນ, ມີບັນດາແຂກຖືກເຊີນ, ພະນັກງານ, ຄູ-ອາຈານ ແລະນັກສຶກສາ

ເຂົ້າຮ່ວມ.

      ໃນໂອກາດນີ້, ທ່ານ ຮສ.ປອ. ອຸດົມ ພອນຄໍາເພັງ ອະທິການບໍດີ ມຊ ໄດ້ຂຶ້ນຜ່ານບົດສະຫຼຸບປະຈຳສົກສຶກສາ 2022-2023, ເຊິ່ງທ່ານໄດ້ໃຫ້ຮູ້ວ່າ: ໃນສົກສຶກສາ 2022-2023 ມຊ ມີພະນັກ

ງານ, ຄູ-ອາຈານທັງໝົດ 1.704 ທ່ານ, ຍິງ 821 ທ່ານ; ພະນັກງານບໍລິຫານ 311 ທ່ານ, ຍິງ 196 ທ່ານ; ອາຈານສອນ 1.393 ທ່ານ, ຍິງ 625 ທ່ານ; ດ້ານວຸດທິການສຶກສາ ລະດັບ ປະລິນຍາເອກ ຈໍານວນ 204 ທ່ານ, ຍິງ 44 ທ່ານ; ປະລິນຍາໂທ 952 ທ່ານ, ຍິງ 430 ທ່ານ; ເໜືອປະລິນ

ຍາຕີ 2 ທ່ານ, ຍິງ 0 ທ່ານ; ປະລິນຍາຕີ 500 ທ່ານ, ຍິງ 315 ທ່ານ; ອະນຸປະລິນຍາ 46 ທ່ານ, ຍິງ 32 ທ່ານ; ໃນນັ້ນ ມີຜູ້ໄດ້ຮັບວິທະຍານາມມະຍົດ(ຕໍາແໜ່ງວິຊາການ) ຂັ້ນສາດສະດາຈານ 6 ທ່ານ, ຍິງ 1 ທ່ານ; ຮອງສາດສະດາຈານ 86 ທ່ານ, ຍິງ 10 ທ່ານ; ອາຈານ 307 ທ່ານ, ຍິງ 119 ທ່ານ; ຜູ້ຊ່ວຍອາຈານ 283, ຍິງ 220 ທ່ານ ແລະເປັນຄູວິຊາການບໍ່ທັນໄດ້ວຸດທິ 349 ທ່ານ, ຍິງ 179 ທ່ານ. ປັດຈຸບັນ ມຊ ໄດ້ສຸມໃສ່ ສ້າງແຜນພັດທະນາ 7 ແຜນງານ, 37 ໂຄງການ ໃຫ້ເປັນແຜນຈັດຕັ້ງປະຕິບັດລະອຽດ(ແຜນປີ) ແລະໄດ້ຈັດປະຕິບັດຢ່າງຕັ້ງໜ້າ: ດ້ານວຽກງານການເມືອງແນວຄິດ ແລະຈັດຕັ້ງ ຄະນະພັກ, ຄະນະນໍາ ມຊ ໄດ້ຖືສໍາຄັນ ວຽກການເມືອງແນວຄິດ ໃນຖັນແຖວພະນັກງານ, ຄູ-ອາຈານ ແລະນັກສຶກສາ ເຊິ່ງໄດ້ລົງໂອ້ລົມລະດົມແນວຄິດໃຫ້ມີສະຕິຕໍ່ການຈັດຕັ້ງ, ກໍາແໜ້ນແນວທາງນະໂຍບາຍຂອງພັກ, ເຄົາລົບກົດໝາຍຂອງລັດ, ປະຕິບັດລະບຽບລັດຖະກອນຢ່າງເຄັ່ງຄັດ, ມີຄວາມສາມັກຄີ, ມີຄວາມຮັບຜິດຊອບຕໍ່ໜ້າທີ່ຂອງຕົນ.

       ວຽກງານວິຊາສະເພາະ ໃນຊຸດຮຽນ 2020-2023 ມຊ ໄດ້ດໍາເນີນການຮຽນ-ການສອນ ໃນຫຼາຍລະດັບ, ມີທັງໝົດ 166 ຫຼັກສູດ ຄື: ປະລິນຍາເອກ 8 ຫຼັກສູດ, ປະລິນຍາໂທ 67 ຫຼັກສູດ(ຫຼັກສູດນາໆຊາດປະລິນຍາໂທ 1 ຫຼັກສູດ), ປະລິນຍາຕີ 118 ຫຼັກສູດ, ຫຼັກສູດຕໍ່ເນື່ອງ ປະລິນຍາຕີ 44 ຫຼັກສູດ ແລະຫຼັກສູດອະນຸປະລິນຍາ 4 ຫຼັກສູດ ແລະໃນສົກຮຽນ 2022-2023 ນີ້ ມຊ ມີນັກສຶກສາທັງໝົດ 19,773 ຄົນ, ຍິງ 9,638 ຄົນ; ນັກສຶກສາທີ່ໄດ້ຮັບທຶນລັດຖະບານ ຈໍານວນ 768 ຄົນ, ຍິງ 347 ຄົນ, ນັກສຶກສາຕ່າງປະເທດໄດ້ຮັບທຶນລັດຖະບານ ຈໍານວນ 45 ຄົນ, ຍິງ 10 ຄົນ, ນັກສຶກສາໃຊ້ທຶນໂຕເອງ 4,149 ຄົນ, ຍິງ 1,808 ຄົນ, ນັກສຶກສາຕ່າງປະເທດໃຊ້ທຶນໂຕເອງ 41 ຄົນ, 17 ຄົນ; ໃນນັ້ນ ນັກສຶກສາປະລິນຍາເອກ 44 ຄົນ, ຍິງ17 ຄົນ, ນັກສຶກສາປະລິນຍາໂທ 651 ຄົນ, ຍິງ 266 ຄົນ ແລະມີນັກສຶກສາປີສຸດທ້າຍທັງໝົດ 5,007 ຄົນ, ຍິງ2,372 ຄົນ. ຂະນະດຽວກັນ ທ່ານຍັງໄດ້ຍົກເຫັນຜົນງານອັນພົ້ນເດັ່ນ ໃນການເຄື່ອນໄຫວຕ່າງໆ ທັງພາຍໃນ ແລະຕ່າງປະເທດ ຂອງພະນັກງານ, ຄູ-ອຈານ ແລະນັກສຶກສາ ເຊັ່ນ ການເຂົ້າຮ່ວມງານມະຫາກໍາລີລາມະຫາວິທະຍາ

ໄລອາຊຽນ, ເຂົ້າຮ່ວມແຂ່ງຂັນອອກແບບສວນນົກກວາງຊູ ໜານຊາ ແລະອື່ນໆ. ຈາກຜົນງານການ

ເຄື່ອນໄຫວ ທີ່ ຄະນະນໍາ, ພະນັກງານ, ຄູ-ອາຈານ ມຊ ຍາດມາໄດ້ ໃນພິທີຍັງໄດ້ມີການມອບໃບຍ້ອງຍໍຂັ້ນກະຊວງສຶກສາທິການ ແລະກີລາ(ສສກ) ໃຫ້ບຸກຄົນດີເດັ່ນ 1.185 ຄົນ, ຍິງ 509 ຄົນ, ໃບຍ້ອງຍໍຂັ້ນ ມຊ ຈໍານວນ 327 ຄົນ, ຍິງ 150 ຄົນ ພ້ອມທັງໄດ້ຜ່ານແຜນການແຂ່ງຂັນຮັກຊາດ ແລະ ພັດທະນາໄລຍະ 5 ປີ (2021-2025) ຕື່ມອີກ.

       ໃນພິທີອັນມີຄວາມໝາຍສໍາຄັນນີ້, ທ່ານ ນາງ ຂັນທະລີ ສີຣິພົງພັນ ຮອງລັດຖະມົນຕີ ກະຊວງສຶກສາທິການ ແລະກີລາ ໄດ້ໃຫ້ກຽດໂອ້ລົມຕໍ່ທີ່ປະຊຸມ; ເຊິ່ງກ່ອນອື່ນທ່ານໄດ້ກ່າວສະແດງຄວາມຍ້ອງຍໍ-ຊົມເຊີຍຕໍ່ຜົນງານດ້ານຕ່າງໝໆ ທີ່ທາງ ມຊ ຍາດມາໄດ້; ທ່ານກ່າວບາງຕອນວ່າ: ຍຸກໂລກາພິວັດ ແມ່ນຍຸກແຫ່ງການແຂ່ງຂັນ ດ້ານສະຕິພູມປັນຍາ ໃນການພັດທະນາເສດຖະກິດ-ສັງຄົມ ຂອງແຕ່ລະປະເທດ, ຍ້ອນແນວນັ້ນຜູ້ນໍາພັກ ແລະລັດຖະບານໄດ້ເອົາໃຈໃສ່ຢ່າງຈົດຈໍ່ ແລະວາງແນວທາງນະໂຍບາຍ, ວາງແຜນຍຸດທະສາດໃນການພັດທະນາຊັບພະຍາກອນມະນຸດ, ການສຶກສາ, ເສດຖະກິດ-ສັງຄົມ ຢ່າງເປັນລະບົບ ໃນສະເພາະໜ້າ ແລະຍາວນານ ເພື່ອໃຫ້ປະເທດຊາດໄດ້ຮັບການພັດທະນາ ໄປສູ່ຄວາມຈະເລີນຮຸ່ງເຮືອງ; ເຊິ່ງໜຶ່ງໃນປັດໃຈສໍາຄັນດັ່ງກ່າວ ແມ່ນການພັດທະນາຊັບພະຍາກອນມະນຸດ ໂດຍສະເພາະແມ່ນການກໍ່ສ້າງ ແລະບໍາລຸງຍົກລະດັບ ຄວາມຮູ້-ຄວາມສາມາດໃນດ້ານຕ່າງໆ ແກ່ພະນັກງານໃຫ້ສົມຄູກັບຄວາມຮຽກຮ້ອງຕ້ອງການຂອງການພັດທະນາ. ດັ່ງນັ້ນ, ພື້ນຖານຂອງການພັດທະນາຄົນ ກໍແມ່ນການສຶກສາ ເຊິ່ງເລີ່ມຈາກຄອບຄົວ, ສະຖາບັນສຶກສາ ແລະສັງຄົມ ນັບທັງ ສະຖາບັນການສຶກສາພາກລັດ, ເອກະຊົນ; ມຊ ແມ່ນສະຖາບັນການສຶກສາແຫ່ງໜຶ່ງ ທີ່ໄດ້ກໍ່ສ້າງນັກວິຊາການ ເພື່ອຮັບໃຊ້ສັງຄົມ ຕາມຄວາມຮຽກຮ້ອງຕ້ອງການ ຂອງຂະແໜງການຕ່າງໆໃນທົ່ວປະເທດ.

       ທ່ານກ່າວຕື່ມວ່າ: ຄຽງຄູ່ກັບຜົນງານ ແລະໝາກຜົນໃນການປະຕິບັດໄດ້ດັ່ງກ່າວ ໃນຕໍ່ໜ້າ ມຊ ຍັງຕ້ອງໄດ້ເອົາໃຈໃສ່ໃນວຽກງານຈຸດສຸມດັ່ງນີ້:     

 - ເອົາໃຈໃສຄົ້ນຄວ້າວິທະຍາສາດ, ການຄົ້ນຄວ້າທີ່ຕິດພັນກັບຂະແໜງການ, ການແກ້ໄຂບັນຫາ,

ການພັດທະນາຊຸມຊົນ ແລະຮັບໃຊ້ໃຫ້ສັງຄົມຕົວຈິງ.

    - ຍົກສູງຄຸນນະພາບການສຶກສາ-ກີລາ ເພື່ອພັດທະນາຊັບພະຍາກອນມະນຸດທັງດ້ານປະສິດທິ

ພາບ ປະສິດທິຜົນ ຫຼິກລ້ຽງດ້ານປະລິມານ ທັງຮັບປະກັນສ້າງໃຫ້ນັກສຶກສາຮຽນວິຊາໃດກໍຕ້ອງຮັບປະກັນຄວາມຮູ້ດ້ານວິຊານັ້ນແທ້ໆ ບໍ່ແມ່ນຈະຮຽນໃຫ້ໃດ້ແຕ່ ປະກາສະນີຍະບັດເທົ່ານັ້ນ.

    - ສຶກສາອົບຮົມຄົນຮຸ່ນໜຸ່ມຜູ້ສືບທອດພາລະກິດຂອງພັກຕັ້ງໜ້າຮໍ່າຮຽນເອົາຄຸນສົມບັດ ສິນທໍາປະຕິວັດ ຈາກຄູ ຈາກຜູ້ອາວຸໂສບຳນານ ສ້າງຕົນໃຫ້ກາຍເປັນຜູ້ທີ່ມີຄຸນທາດດ້ານການເມືອງໜັກ 

ແໜ້ນ ຄຽງຄູ່ກັບດ້ານວິຊາການເກັ່ງ.

   - ຍົກລະດັບຄູສອນໃຫ້ເກັ່ງຮອບດ້ານໂດຍສະເພາະພາສາອັງກິດແນໃສ່ຮັບໃຊ້ການສິດສອນພາສາອັງກິດກາຍເປັນພາສາທີສອງຈຶ່ງສາມາດຮັບປະກັນທຽບເທົ່າສາກົນ.

   - ເອົາໃຈໃສ່ສ້າງຄ່ານິຍົມໃໝ່ຕໍ່ນັກສຶກສາເມື່ອສໍາເລັດການສຶກສາແລ້ວ ກໍໄປປະກອບການຕາມສາຂາອາຊີບທີ່ຮຽນມາ ບໍ່ແມ່ນວ່າລໍຖ້າແຕ່ເປັນພະນັກງານສັງກັດລັດເທົ່ານັ້ນ.

   - ເອົາໃຈໃສ່ວຽກງານພົວພັນຕ່າງປະເທດ ຮູບແບບເປີດກ້ວາງ ຕາມນະໂຍບາຍພົວພັນການຕ່າງປະເທດຂອງລັດຖະບານ ແລະຮັບປະກັນຄວາມປອດໄພຂອງກຸ່ມຄົນທີ່ບໍ່ຫວັງດີຕໍ່ສະຖາບັນຕົນ.

    - ການກໍ່ສ້າງຊັບພະຍາກອນມະນຸດໃຫ້ເລັ່ງໃສ່ສາຂາວິຊາທີ່ປະເທດເຮົາຕ້ອງການພັດທະນາ ເປັນຕົ້ນແມ່ນ: ພາສາອັງກິດ, ການກະເສດ, ວິທະຍາສາດທຳມະຊາດ, ຄະນະຊັບພະຍາກອນນໍ້າ, ຄະນະສິ່ງແວດລ້ອມ ແລະຄະນະອື່ນໆ.

    - ສືບຕໍ່ປະຕິບັດແຜນພັດທະນາ ມຊ ແຕ່ປີ 2021 ຮອດປີ 2025 ຕາມສະພາວະ ແລະທ່າແຮງໃຫ້ມີທ່າກ້າວກວ່າຊຸມປີຜ່ານມາ.

    - ເອົາໃຈໃສສະກັດກັ້ນ ແລະຕ້ານປະກົດການຫຍໍ້ທໍ້ ທີ່ຈະເກີດຂຶ້ນໃນຂົງເຂດການສຶກສາ ຕິດພັນກັບການອານຸຮັກວັດທະນະທໍາຂອງຊາດ.

ພາບບັນຍາກາດ

ໃນຕອນເຊົ້າວັນທີ 17 ຕຸລາ 2023 ຜ່ານມາ, ມະຫາວິທະຍາໄລແຫ່ງຊາດ (ມຊ) ໄດ້ລົງນາມບົດບັນທຶກການຮ່ວມມື (MOU) ຮ່ວມກັບ ມະຫາວິທະຍາໄລຕ້າລີ ສປ. ຈີນ ທີ່ຫ້ອງປະຊຸມຕຶກສຳນັກງານອະທິການບໍດີ ມຊ, ເຊິ່ງຕາງໜ້າລົງນາມຝ່າຍ ມຊ ໂດຍທ່ານ ຮສ. ປອ. ອຸດົມ ພອນຄຳເພັງ ອະທິການບໍດີ ມຊ ແລະ ຕາງໜ້າລົງນາມຝ່າຍ ມະຫາວິທະຍາໄລຕ້າລີ ສປ. ຈີນ ນຳໂດຍ ທ່ານ ສຈ. ລີ ທ່າວ (Prof. LI Tao) ປະທານ ມະຫາວິທະຍາໄລຕ້າລີ, ໂດຍມີທ່ານຫົວໜ້າຫ້ອງການ, ຮອງຄະນະບໍດີ ແລະພະນັກງານ, ຄູ-ອາຈານ ເຂົ້າຮ່ວມເປັນສັກຂີພະຍານ.

          ໃນພິທີທ່ານ ຮສ. ປອ. ອຸດົມ ພອນຄຳເພັງ ກໍໄດ້ກ່າວຕ້ອນຮັບ ແລະລາຍງານສະພາບລວມຂອງ ມຊ ໂດຍຫຍໍ້ໃຫ້ກັບຄະນະອາຈານ ຈາກມະຫາວິທະຍາໄລ ຕ້າລີ ສປ. ຈີນ ພ້ອມທັງໄດ້ກ່າວຍໍ້າເຖິງຄວາມສຳພັນການຮ່ວມມືຂອງ ສອງມະຫາວິທະຍາໄລທີ່ມີມາແຕ່ຍາວນານ ແລະໄດ້ອຳນວຍຄວາມສະດວກ ເປັນຕົ້ນແມ່ນການໃຫ້ທຶນ ກັບບັນດາພະນັກງານ ຄູ-ອາຈານ ຂອງ ມຊ ໄດ້ໄປສຶກສາຕໍ່ຍົກລະດັບໃນຫຼັກສູດປະລິນຍາໂທ ແລະປະລິນາຍາເອກ, ພ້ອມນັ້ນ ຍັງໄດ້ມີການຮ່ວມມືກັນໃນດ້ານອື່ນໆເຊັ່ນ: ການແລກປ່ຽນວິຊາການ, ການແລກປ່ຽນນັກສຶກສາ ແລະດ້ານການຄົ້ນຄວ້າວິທະຍາສາດ ອີກດ້ວຍ.

          ສຳລັບການລົງນາມການຮ່ວມໃນຄັ້ງນີ້ທັງສອງຝ່າຍແມ່ນຈະສືບຕໍ່ການຮ່ວມມືໃນໃນການແລກປ່ຽນພະນັກງານ, ຄູ-ອາຈານ, ແລກປ່ຽນວັດທະນະທຳ, ການຄົ້ນຄວ້າວິທະຍາສາດ, ການຮ່ວມໃນການເຮັດການຄົ້ນຄ້ວາ ແລະເດີນທາງໄປແລກປ່ຽນ ລາວ-ຈີນ, ຈີນ-ລາວ ໃນໄລຍະສັ້ນ.

ພາບບັນຍາກາດ

ໃນຕອນເຊົ້າ ວັນທີ 12 ຕຸລາ 2023 ນີ້, ກະຊວງສຶກສາທິການ ແລະກິລາ ຮ່ວມກັບ ມະຫາວິທະຍາໄລແຫ່ງຊາດ(ມຊ) ໄດ້ເປັນກຽດຕ້ອນຮັບການມາພົບປະ-ໂອ້ລົມ ຕໍ່ນັກວິທະຍາສາດ ມຊ ໃນໂອກາດສະເຫຼີມ-ສະຫຼອງ ວັນວິທະຍາສາດແຫ່ງຊາດຄົບຮອບ 36 ປີ (12 ຕຸລາ 1987 – 12 ຕຸລາ 2023) ຂອງພະນະທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ, ໂດຍການຕ້ອນຮັບນຳໂດຍທ່ານ ຮສ. ປອ. ພຸດ ສິມມາລາວົງ ລັດຖະມົນຕີ ກະຊວງສຶກາສາທິການ ແລະກີລາ, ທ່ານ ປອ. ສຸລິອຸດົງ ສູນດາລາ ຮອງລັດຖະມົນຕີ ກະຊວງສຶກສາທິການ ແລະກີລາ, ທ່ານ ຮສ. ປອ. ອຸດົມ ພອນຄຳເພັງ ອະທິການບໍດີ ມຊ ພ້ອມດ້ວຍຄະນະ, ມີບັນດານັກຄົ້ນຄວ້າ, ທ່ານຜູ້ຊົງຄຸນວຸດທິ, ປະທານສະພາ ມຊ, ແຂກຈາກພາກສ່ວນຕ່າງໆທີ່ກ່ຽວຂ້ອງ, ນັກຄົ້ນຄວ້າ, ນັກວິທະຍາສາດ ແລະພະນັກງານ, ຄູ-ອາຈານ ທົ່ວ ມຊ ເຂົ້າຮ່ວມ.

ໃນທີ່ປະຊຸມ, ທ່ານ ຮສ. ປອ. ພຸດ ສິມມາລາວົງ ໄດ້ຂຶ້ນລາຍງານເນື່ອງໃນ ພິທີສະເຫຼີມ-ສະຫຼອງ ວັນວິທະຍາສາດແຫ່ງຊາດ ເຊິ່ງທ່ານກ່າວວ່າ: ເນື່ອງໃນໂອກາດສະເຫຼີມ-ສະຫຼອງ ວັນວິທະຍາສາດແຫ່ງຊາດປີນີ້ ຂ້າພະເຈົ້າຂໍສະແດງຄວາມຮູູ້ບຸນຄຸນຢ່າງສູງມາຍັງ ບັນດາທ່ານຜູູ້ນໍາ ພັກ-ລັດ, ບັນດານັກປະຕິວັດ ແລະ ນັກວິທະຍາສາດ ອາວຸໂສ ທີ່ຍາມໃດກໍໍໄດ້ໃຫ້ຄວາມສໍາຄັນ, ເອົາໃຈໃສ່ ນໍາພາ-ຊີ້ນໍາ ແລະ ຊຸກຍູູ້ສົ່ງເສີມການຄົ້ນຄວ້າ-ພັດທະນາ ແລະ ການນໍາໃຊ້ວິທະຍາສາດ ແລະ ເຕັກໂນໂລຊີ ເພື່ອພັດທະນາປະເທດເຮົາ ໃຫ້ມີການຂະຫຍາຍຕົວຢ່າງຕໍໍ່ເນື່ອງຕະຫຼອດມາ. ຜົນຈາກການພັດທະນາວຽກງານວິທະຍາສາດໃນໄລຍະຜ່ານມາເຫັນວ່າ ໄດ້ຮັບໝາກຜົນ ໃນຫຼາຍດ້ານດັ່ງນີ້: (1) ໄດ້ສ້າງ ແລະ ປັບປຸງລະບົບການຄຸູ້ມຄອງ ການຄົ້ນຄວ້າວິທະຍາສາດ ໃຫ້ມີຄວາມເຂັັ້ມແຂງຂຶ້ນ, (2) ກໍໍ່ສ້າງນັກຄົ້ນຄວ້າ, ນັກວິທະຍາສາດ ທີເປັນມືອາຊີບໄດ້ຈໍານວນໜຶື່ງ ເພື່ອຕອບສະໜອງ ຄວາມຮຽກຮ້ອງຕ້ອງການຂອງວຽກງານຄົ້ນຄວ້າວິທະຍາສາດໃ ນໄລຍະໃໝ່; (3) ໄດ້ຕອບສະໜອງ ສິ່ງອໍານວຍຄວາມສະດວກທີ່ຈໍາເປັນແກ່ການຄົ້ນຄວ້າວິທະຍາສາດ ເຊັັ່ນ: ພື້ນຖານໂຄງລ່າງ, ສ້າງຫ້ອງທົດລອງທີ່ທັນສະໄໝ, ສ້າງສູນຂໍໍ້ມູນເອເລັກໂຕຼນິກ, ເຄື່ອງທົດລອງ; (4) ສ້າງ ຄວາມເຂັັ້ມແຂງໃຫ້ວຽກງານໃຫ້ການບໍລິການວິທະຍາສາດ ແລະ ເຕັກໂນໂລຊີແກ່ສັງຄົມ, ໂຄສະນາເຜີຍແຜ່ ວຽກງານວິທະຍາສາດ ແລະ ເຕັກໂນໂລຊີໃຫ້ສັງຄົມຮັບຮູູ້ ແລະປະກອບສ່ວນເຂົ້າ ໃນວຽກງານດັັ່ງກ່າວ; (5) ໄດ້ຂະຫຍາຍການພົວພັນ ແລະ ຮ່ວມມື ທາງດ້ານວິທະຍາສາດ ແລະ  ເຕັກໂນໂລຊີ ກັບພາກອຸດສະຫະກໍາ ແລະ ສາກົນໂດຍຜ່ານຂອບການຮ່ວມມື ສອງຝ່າຍ ແລະ ຫຼາຍຝ່າຍ ຊຶື່ງນັບມື້ນັບກວ້າງຂວາງອອກ, ແລະ (6) ໄດ້ມີຜົນການຄົ້ນຄວ້າຈໍານວນໜຶື່ງເພື່ອ ປະກອບສ່ວນເຂົ້າໃນການພັດທະນາເສດຖະກິດ ແລະ ສັງຄົມຂອງຊາດພວກເຮົາ.

         ໃນໂອກາດສໍາຄັນນີ້ ພິປະຊຸມ ໄດ້ຮັບຟັງການໂອ້ລົມ ຂອງ ພະນະທ່ານ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ; ເຊິ່ງທ່ານໄດ້ກ່າວເຖິງຄວາມໝາຍ-ຄວາມສຳຄັນ ຂອງການຄົ້ນຄວ້າວິທະຍາສາດ ແລະໄດ້ກ່າວເນັ້ນ ເພື່ອເປັນທິດທາງ ແລະຂໍ້ຄິດໃຫ້ແກ່ການພັດທະນາວຽກງານການຄົ້ນຄວ້າວິທະຍາສາດ, ເຕັກໂນໂລຊີ ແລະນະວັດຕະກຳ ເຊິ່ງທ່ານກ່າວບາງຕອນວ່າ: ໜຶ່ງ: ເອົາໃຈໃສ່ສ້າງເວທີ ເພື່ອແລກປ່ຽນຄຳຕິດເຫັນ, ແລກປ່ຽນຜົນງານການຄົ້ນຄວ້າ, ການສ້າງເຄື່ອຂ່າຍນັກຄົ້ນຄວ້າ; ສອງ: ໃຫ່ນັກຄົ້ນຄວ້າ ແລະບູກຄະລາກອນທາງດ້ານວິທະຍາສາດ ແລະເຕັກໂນໂລຊີ ຈົ່ງຍົກສູງສະຕິຊາດ. ເປັນເຈົ້າຕົນເອງ, ມີຄວາມອົດທົນເສຍສະຫຼະ ແລະມີຄວາມຮັບຜິດຊອບສູງ ເປັນແບບຢ່າງໃຫ້ແກ່ອະນຸຊົນຄົນຮູ່ນຫຼັງ, ເຮັດການຄົ້ນຄວ້າໃຫ້ເປັນມູນເຊື້ອ, ເປັນການເປີດກວ້າງສະຕິປັນຍາ, ພູມປັນຍາທາງວັດທະນະທຳໜື່ງຂອງຊາດ; ສາມ: ສືບຕໍ່ພັດທະນາຊັບພະຍາກອນມະນຸດໃນຖັນແຖວນັກຄົ້ນຄວ້າ, ນັກຮຽນຮູ້-ປັນຍາຊົນ; ສີ່: ຕັ້ງໜ້າຜັນຂະຫຍາຍຜົນສຳເລັດຂອງການປະຕິຮູບການສຶກສາແຫ່ງຊາດສູ່ລວງເລິກ; ຫ້າ: ຜູ້ບໍລິຫານການສຶກສາ, ສະຖາບັນຄົ້ນຄວ້າ ຕ້ອງສຶກສາ ແລະກຳແໜ້ນແນວທາງ, ນະໂຍບາຍຂອງພັກ, ແຜນພັດທະນາເສດຖະກິດ-ສັງຄົມ ຂອງລັດ ແລະຫັນເປັນຍຸດທະສາດ, ເປັນໂຄງການ ແລະເປັນແຜນດຳເນີນງານ ແລະຫົວຂໍ້ຄົ້ນຄວ້າຂອງຕົນ; ຫົກ: ເອົາໃຈໃສ່ສ້າງຄວາມເຂັ້ມແຂງໃຫ້ແກ່ຫົວໜ່ວຍການຄົ້ນຄວ້າວິທະຍາສາດ ແລະເຕັກໂນໂລຊີ ຢູ່ມະຫາວິທະຍາໄລ ແລະສະຖາບັນຄົ້ນຄວ້າຕ່າງໆດ້ວຍການປະກອບບຸກຄະລາກອນ, ພື້ນຖານໂຄງລ່າງ, ເຄື່ອງມືຮັບໃຊ້ ແລະທຶນຮອນ; ເຈັດ: ສືບຕໍ່ດຳເນີນການສ້າງໃໝ່ ແລະປັບປຸງນິຕິກຳ ເພື່ອຄຸ້ມຄອງວຽກງານວິທະຍາສາດ ແລະເຕັກໂນໂລຊີເປັນຕົ້ນ; ແປດ: ບຳລຸງ ແລະກໍ່ສ້າງນັກວິທະຍາສາດໃນຂົງເຂດ ແລະຂະແໜງການຕ່າງໆໃນອັດຕາສ່ວນທີ່ເໜາະສົມ, ສ້າງນັກວິທະຍາສາດ ແລະບຸກຄະລາກອນດ້ານວິທະຍາສາດໄປຄຽງຄູ່ກັນ; ໃນນັ້ນ ໃຫ້ເນັ້ນສ້າງບຸກຄະລາກອນວິທະຍາສາດໃນຂະແໜງການ ທີ່ສາມາດນຳໄປສູ່ການຜະລິດໂດຍກົງໄດ້ໃຫ້ຫຼາຍຂຶ້ນ;  ເກົ້າ: ສ້າງຄວາມເຂັ້ມແຂງ ແລະຄຸນະພາບຂອງວຽກງານໂດຍສະເພາະດ້ານບຸກຄະລາກອນ; ສິບ: ການຄົ້ນຄວ້າວິທະຍາສາດຕ້ອງດຳເນີນໄປ 3 ຮູບແບບຄື: ການຄົ້ນຄວ້າວິທະຍາສາດພື້ນຖານ, ການຄົ້ນຄວ້າຄວບຄູ່ກັນເປັນທັງວິທະຍາສາດພື້ນຖານ ແລະນຳໃຊ້ ແລະການຄົ້ນຄວ້ານຳໃຊ້; ສິບເອັດ: ນຳໃຊ້ກອງທຶນພັດທະນາວິທະຍາສາດດ້ວຍຄວາມຮັບຜິດຊອບສູງ, ໂປ່ງໃສ, ນຳໃຊ້ໃຫ້ສອດຄ່ອງກັບໂຄງການທີ່ຄົ້ນຄວ້າເປັນບູລິມະສິດແທ້ໆ ແລະ ສິບສອງ: ສືບຕໍ່ເພີ່ມທະວີການຮ່ວມມື ກັບປະເທດເພື່ອນມິດຍຸດທະສາດ, ອົງການຈັດຕັ້ງສາກົນ ເພື່ອຍາດແຍ່ງທຶນຮອນ ແລະການຮ່ວມມືດ້ານເຕັກນິກສະໜອງໃຫ້ແກ່ການຄົ້ນຄວ້າ ແລະສ້າງເປັນນະວັດຕະກຳພາຍໃນປະເທດ.

        ຈາກນັ້ນ ພະນະທ່ານ ທອງລຸນ ສີສຸລິດ ແລະ ການນໍາກະຊວງສຶກສາທິການ ແລະກີລາ, ຄະນະນໍາ ມຊ ພ້ອມດ້ວຍແຂກ ຍັງໄດ້ຊົມບູດວາງສະແດງຜົນງານການຄົ້ນຄວ້າວິທະຍາສາດ ແລະນະວັດຕະກຳຈາກ ຄະນະວິຊາ, ສະຖາບັນ, ກົມກອງທີ່ກ່ຽວຂ້ອງ ແລະອື່ນໆຈຳນວນ 24 ພາກສ່ວນ

ພາບບັນຍາກາດ